சென்னை: தமிழக வெற்றி கழகத்தின் முதல் மாநாடு விக்கிரவாண்டியில் நடைபெறவுள்ளதை முன்னிட்டு, கட்சியின் முக்கிய நிா்வாகிகளுடன் அதன் தலைவா் விஜய் திங்கள்கிழமை ஆலோசனை நடத்தினாா்.

விழுப்புரம் மாவட்டம், விக்கிரவாண்டியை அடுத்த வி.சாலையில் செப்.23-ஆம் தேதி கட்சியின் முதல் மாநாடு நடைபெறவுள்ளது. இந்த மாநாட்டுக்கு அனுமதி வழங்கப்பட்டுள்ள நிலையில், மாநாடு நடைபெறும் தேதியை விஜய் விரைவில் அதிகாரபூா்வமாக அறிவிப்பாா் என்று எதிா்பாா்க்கப்படுகிறது.

மாநாட்டை நடத்துவது குறித்து பொதுச் செயலா் புஸ்ஸி ஆனந்த் மற்றும் கட்சியின் முக்கிய நிா்வாகிகளுடன் விஜய் திங்கள்கிழமை ஆலோசனை நடத்தினாா்.

சென்னை நீலாங்கரையில் உள்ள விஜய் இல்லத்தில் நடைபெற்ற இந்தக் கூட்டத்தில், மாநாடு தொடா்பான முக்கிய முடிவுகள் எடுக்கப்பட்டதாகத் தெரிவிக்கப்பட்டுள்ளது.