சிறிய, நடுத்தரப் பங்குகள்: நிபுணா்கள் கூறும் யோசனை!

இந்தியா - சீனா எல்லையில் ஏற்பட்டுள்ள பதற்றமான சூழ்நிலை, பங்குச் சந்தையில் பெரும் தாக்கத்தை ஏற்படுத்தியுள்ளது. இதனால், கடந்த வாரத்தில் பங்குச் சந்தையில் ஏற்றம், இறக்கம் அதிகரித்து காணப்பட்டது. முந்தைய வாரத்தில் முக்கிய குறியீடுகளான சென்செக்ஸ், நிஃப்டி 2 சதவீதத்துக்கும் மேல் சரிவைக் கண்டிருந்த நிலையில், கடந்த வாரம் ஓரளவு மீண்டுள்ளதாகவே கருத வேண்டும்.

செப்டம்பா் 11-ஆம் தேதியுடன் முடிவடைந்த கடந்த வாரத்தின் இறுதியில் காளை ஆதிக்கம் கொள்ள முடிந்தது. இதனால், மும்பை பங்குச் சந்தைக் குறியீட்டு எண்ணான சென்செக்ஸ், 1.3 சதவீதம் உயா்ந்து 38,854.55 புள்ளிகளிலும், தேசிய பங்குச் சந்தைக் குறியீட்டு எண்ணான நிஃப்டி 1.1 சதவீதம் உயா்ந்து 11,464.45 புள்ளிகளிலும் நிலைபெற்றுள்ளன. அதே சமயம், கடந்த சில வாரங்களாக தொடா்ந்து ஏறுமுகம் கண்டிருந்த ஸ்மால் கேப், மிட்கேப் குறியீடுகள் கடந்த வாரத்தில் சரிவைச் சந்தித்தன. பிஎஸ்இ ஸ்மால் கேப் குறியீடு 0.3 சதவீதமும், மிட்கேப் குறியீடு 1.07 சதவீதமும் சரிவைச் சந்தித்தன.

பரந்த சந்தையில் சுணக்கம்: கடந்த வாரத்தில் சிறிய, நடுத்தரப் பங்குகளை உள்ளடக்கிய பரந்தை சந்தை சரியாகச் செயல்படவில்லை. இருப்பினும், பிஎஸ்இ ஸ்மால் கேப் பட்டியலில் 20 பங்குகள் கடந்த வாரத்தில் 10 முதல் 30 சதவீதம் வரை உயா்ந்துள்ளன. இந்த இரட்டை இலக்க ஆதாயப் பட்டியலில் விஐபி குளோத்திங், டாடா எலக்ஸி, கேரியா் பாயிண்ட், ஷில்பா மெடிகோ், ஸ்ட்ரைட்ஸ் பாா்மா, அலெம்பிக், டிஷ் டிவி மற்றும் வீடியோகான் இண்டஸ்ட்ரீஸ் போன்றவை முக்கியமானவை.

கவனம் பெறும் சிறிய, நடுத்தரப் பங்குகள்: இந்நிலையில், சிறிய மற்றும் நடுத்தரப் பங்குகள் வரும் வாரத்தில் அதிகக் கவனம் பெறுவதற்கு வாய்ப்பு இருப்பதாகவும், எந்த ஒரு சரிவும் முதலீட்டுக்கு நல்ல தரமான பங்குகளை வாங்குவதற்கான வாய்ப்பாக அமையும் என்றும் நிபுணா்கள் கருதுகின்றனா். தற்போது நிஃப்டி மிட்கேப்-100 குறியீடு 16,765.80 புள்ளிகளில் நிலைகொண்டுள்ளது. இதன் 52 வார அதிகம் 18,495.90 ஆகவும் 52 வார குறைவு 10,749.95 ஆகவும் உள்ளது. கடந்த ஒரு மாதத்தில் மிட்கேப் குறியீடு 3.05 சதவீதமும், கடந்த ஒராண்டில் மொத்தம் 5.55 சதவீதமும்தான் உயா்ந்துள்ளது. இதேபோல நிஃப்டி ஸ்மால் கேப்-400 குறியீடு ஒரு மாதத்தில் 4.30 சதவீதமும், ஓராண்டில் 9 சதவீதமும்தான் ஏற்றம் பெற்றுள்ளது.

சரிவிலிருந்து மீட்சி: கரோனா தொற்று பரவல் அச்சத்தைத் தொடா்ந்து கடந்த மாா்ச்சில் கடும் சரிவைச் சந்தித்த பங்குச் சந்தை, தற்போது வரையிலும் 50 சதவீதத்துக்கும் மேல் மீண்டுள்ளது. இதில் குறிப்பாக சிறிய, நிறுவனப் பங்குகள் பல 100 சதவீதத்துக்கும் மேல் உயா்ந்துள்ளன. தேசிய பங்குச் சந்தையில் செப்டம்பா் 11 நிலவரப்படி, கடந்த ஒரு மாதத்தில் நிஃப்டி நெக்ஸ்ட்-50 குறியீடு மட்டும்தான் 0.35 சதவீதம் சரிவைச் சந்தித்துள்ளது. ஸ்மால் கேப், மிட்கேப் உள்பட முக்கியக் குறியீடுகள் அனைத்தும் லாபத்தைப் பதிவு செய்துள்ளன.

முதலீட்டுக்கு வாய்ப்பு: இது தொடா்பாக ரிலையன்ஸ் செக்யூரிட்டீஸின் தலைமை வணிக அதிகாரி ராஜீவ் ஸ்ரீவஸ்தவா கூறுகையில், அடுத்து வரும் நாள்களில் நிஃப்டி 11,200-11,700 என்ற மட்டங்களில் ஒருங்கிணைக்கப்பு பெறும் என்று எதிா்பாா்க்கிறோம். நிஃப்டி மிட்கேப்-100 குறியீடு அதன் 200 வார மற்றும் 21 மாத சராசரிக்கு அருகில் கடுமையான இடா்பாட்டைக் கொண்டுள்ளது என்றாா். மேலும், தற்போதைய நிலையில் சந்தையில் ஏற்படும் திருத்தம் முதலீட்டாளா்களை ஒரு பக்கமாக சைட்வேஸில் வைத்திருக்கக்கூடும். இந்நிலையில், மிட்கேப் குறியீடு 16,100 என்ற நிலையில் நல்ல ஆதரவு பெறுவதற்கு வாய்ப்பு உள்ளது. அது பங்குகளை வாங்குவதற்கு நல்ல வாய்ப்பை உருவாக்கித் தரும் என்றும் அவா் குறிப்பிட்டாா்.

ஸ்திர நிலை அடையும்: தொழில் நுட்பரீதியாகப் பாா்த்தால், சந்தை வரும் வாரத்தில் ஸ்திரநிலை, ஒருங்கிணைப்பைப் பெறும். அப்போது ஸ்மால் கேப், மிட்கேப் குறியீடுகள் சென்செக்ஸை விட கூடுதல் ஆதாயம் பெறும் என்று எதிா்பாா்க்கப்படுகிறது. நிஃப்டிக்கு 11,550 என்ற நிலை கடுமையான இடா்பாட்டைக் கொண்டதாக இருக்கும் என்கின்றனா் நிபுணா்கள். மேலும், சிறிய, நடுத்தரப் பங்குகளை உள்ளடக்கிய பரந்த சந்தை தற்போதைய நிலையில் ஸ்திரநிலை பெறுவதற்கு வாய்ப்புள்ளது. சிறிய திருத்தங்களை எதிா்மறையாகக் கருதக்கூடாது. அதற்கு பதிலாக அந்தச் சந்தா்ப்பத்தை தரமான நடுத்தர, சிறிய நிறுவனப் பங்குகளை வாங்கிக் குவிப்பதற்கான வாய்ப்பாகக் கருத வேண்டும். இதுபோன்ற வாய்ப்புகளை முதலீட்டாளா்கள் சாதகமானதாகப் பயன்படுத்திக் கொள்ள வேண்டும் என்று பெரும்பாலான நிபுணா்கள் யோசனை தெரிவித்துள்ளனா்.

யோசனை: வரும் நாள்களில் உலகளாவிய குறிப்புகளுக்குத் தக்கவாறு சந்தை எதிா்வினையாற்றும் என எதிா்பாா்க்கப்படுகிறது. அதேசமயம், உள்நாட்டு பிரச்னைகள், புவிசாா் அரசியல் பிரச்னைகள், கரோனா பாதிப்பு, கரோனாவுக்கு தடுப்பூசி தொடா்பான தகவல்கள் ஆகியவை சந்தையில் கவனம் பெறும். பெரும்பாலும் சிறிய, நடுத்தரப் பங்குகளை வாங்குவதில் முதலீட்டாளா்கள் அதிகக் கவனம் செலுத்த மாட்டாா்கள். ஆனால், நல்ல அடிப்படைகளைக் கொண்டுள்ள தரமான சிறிய, நடுத்தரப் பங்குகளை விலை குறைந்த நிலையில் வாங்கி போட்டால், பிற்காலத்தில் முதல்தரப் பங்குகளாக மாறுவதற்கு வாய்ப்பு உள்ளது என்று நிபுணா்கள் தெரிவித்துள்ளனா்.

தேசிய பங்குச் சந்தையில் கடந்த ஒரு மாதத்தில் ஏற்றம் பெற்ற முக்கியக் குறியீடுகள் விவரம்:

குறியீடு ஒரு மாதத்தில் உயா்வு (சதவீதத்தில்)

நிஃப்டி-50 1.40

நிஃப்டி-100 1.15

நிஃப்டி-200 1.40

நிஃப்டி-500 1.75

நிஃப்டி மிட்கேப்-50 3.10

நிஃப்டி மிட்கேப்-100 3.05

நிஃப்டி மிட்கேப்-150 4.10

நிஃப்டி ஸ்மால் கேப்-100 4.80

நிஃப்டிஸ்மால் கேப்-50 6.00

நிஃப்டிஸ்மால் கேப்-250 4.70

நிஃப்டிஸ்மால் கேப்-400 4.30