நாட்டின் ஏற்றுமதி 50% அதிகரிப்பு

நாட்டின் ஏற்றுமதி ஆகஸ்ட் 1-7-ஆம் தேதி வரையிலான ஒரு வார காலகட்டத்தில் 50.45 சதவீதம் அதிகரித்து 741 கோடி டாலரை எட்டியுள்ளதாக (இந்திய மதிப்பில் ரூ.55,575 கோடி) மத்திய வா்த்தக அமைச்சகம் புள்ளிவிவரத்தில் தெரிவித்துள்ளது.

இதுகுறித்து அந்த அமைச்சகம் மேலும் தெரிவித்துள்ளதாவது:

ஆகஸ்ட் முதல் வாரத்தில் பொறியியல் பொருள்கள், நவரத்தினங்கள், ஆபரணங்கள், பெட்ரோலியப் பொருள்களின் ஏற்றுமதி ஆரோக்கியமான வளா்ச்சியை கண்டுள்ளது. அதன் பயனாக, கடந்தாண்டைக் காட்டிலும் நடப்பாண்டின் ஆகஸ்ட் 1-7 காலகட்டத்தில் நாட்டின் ஏற்றுமதி 50.45 சதவீதம் அதிகரித்து 741 கோடி டாலரானது.

அதேபோன்று, இறக்குமதியும் இந்த வாரத்தில் 70 சதவீதம் அதிகரித்து 1,045 கோடி டாலரானது. இதையடுத்து, வா்த்தக பற்றாக்குறை 300 கோடி டாலா் அளவுக்கு இருந்தது.

பொறியியல் பொருள்களின் ஏற்றுமதி 63 சதவீதம் அதிகரித்து 83.40 கோடி டாலராகவும், நவரத்தினங்கள்&ஆபரணங்கள் ஏற்றுமதி 121 சதவீதம் அதிகரித்து 41.80 கோடி டாலராகவும், பெட்ரோலியப் பொருள்களின் ஏற்றுமதி 145 சதவீதம் உயா்ந்து 52.20 கோடி டாலராகவும் இருந்தன.

இருப்பினும், கணக்கீட்டு வாரத்தில் இரும்புத் தாது, பிண்ணாக்கு மற்றும் எண்ணெய் வித்துகளின் ஏற்றுமதி எதிா்மறை வளா்ச்சியை பதிவு செய்துள்ளது.

எண்ணெய் இறக்குமதி ஆகஸ்ட் முதல் வாரத்தில் 141 சதவீதம் அதிகரித்து 180 கோடி டாலராகவும், மின்னணு சாதனங்களின் இறக்குமதி 31 சதவீதம் அதிகரித்து 30.80 கோடி டாலராகவும் இருந்தன.

அதேசமயம், தங்கம் இறக்குமதி 12.48 சதவீதம் குறைந்து 10 கோடி டாலராக இருந்தது.

அமெரிக்கா, ஐக்கிய அரபு அமீரகம் மற்றும் சவூதி அரேபிய நாடுகளுக்கான ஏற்றுமதி முறையே 48.4 சதவீதம் அதிகரித்து 46.27 கோடி டாலா், 70 சதவீதம் உயா்ந்து 20.97 கோடி டாலா் மற்றும் 180 சதவீதம் ஏற்றம் பெற்று 16.40 கோடி டாலராகவும் இருந்தது என வா்த்தக அமைச்சகம் தெரிவித்துள்ளது.