சென்செக்ஸ், நிஃப்டி புதிய வரலாற்று உச்சத்தில் நிறைவு: வங்கி, உலோகப் பங்குகளுக்கு நல்ல வரவேற்பு

மும்பை பங்குச் சந்தைக் குறியீட்டு எண்ணான சென்செக்ஸ் மற்றும் தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டு குறியீடுகளும் செவ்வாய்க்கிழமை புதிய வரலாற்று உச்சத்தில் நிலைபெற்றன. சென்செக்ஸ் 403 புள்ளிகள் உயர்ந்து 55,958 புள்ளிகளிலும், நிஃப்டி 128 புள்ளிகள் உயர்ந்து 16,624 புள்ளிகளிலும் நிலைபெற்றன.
 காலையில் வர்த்தகம் தொடங்கியதிலிருந்து வங்கி, உலோகம், மருந்து தயாரிப்பு துறை நிறுவனப் பங்குகளுக்கு நல்ல வரவேற்பு இருந்தது. இதனால், சென்செக்ஸ் காலையில் எதிர்மறையாகச் சென்றாலும், அதன் பிறகு நாள் முழுவதும் மேல்நோக்கிச் சென்றது. உலகளாவிய சந்தைக் குறிப்புகளும் நேர்மறையாக இருந்தது.
 மேலும், சில வாரங்களாக தொடர்ந்து கடும் விற்பனையை எதிர்கொண்டு வந்த நடுத்தர, சிறிய நிறுவனப் பங்குகளை வாங்குவதற்கு முதலீட்டாளர்களிடம் அதிகப் போட்டி இருந்தது. இதனால், மிட்கேப், ஸ்மால் கேப் குறியீடுகள் 1 சதவீதத்துக்கும் மேலாக
 உயர்ந்தன.
 இது தவிர, முன்பேர வர்த்தகத்தில் ஆகஸ்ட் மாத கான்ட்ராக்டுகள் கணக்கு முடிக்க வரும் வியாழக்கிழமை கடைசி நாளாக உள்ளது. இதனால், ஏற்கெனவே முன்பேர வர்த்தகத்தில் பங்குகளை விற்றிருந்தவர்கள், அதை நேர் செய்ய முற்பட்டதும் சந்தை ஏற்றம் பெற்றதற்கு முக்கியக் காரணம் என்று பங்கு வர்த்தகத் தரகு நிறுவனங்கள் தெரிவித்தன.
 சந்தை மதிப்பு ரூ.2.79 லட்சம் கோடி உயர்வு: மும்பை பங்குச் சந்தையில் மொத்தம் வர்த்தகமான 3,298 பங்குகளில் 2,149 பங்குகள் ஆதாயம் பெற்றன. 1,026 பங்குகள் சரிவைச் சந்தித்தன. 123 பங்குகள் மாற்றமின்றி நிலைபெற்றன. 139 பங்குகள் புதிய 52 வார அதிகபட்ச விலையையும், 47 பங்குகள் குறைந்தபட்ச விலையையும் பதிவு செய்தன. மேலும், 344 பங்குகள் வெகுவாக உயர்ந்து உயர்ந்தபட்ச உறைநிலையையும், 314 பங்குகள் வெகுவாகக் குறைந்து, குறைந்தபட்ச உறை நிலையையும் அடைந்தன. சந்தை மூலதன மதிப்பு ரூ.2.79 லட்சம் கோடி உயர்ந்து ரூ.240.47 லட்சம் கோடியாக இருந்தது. பதிவு பெற்றுள்ள முதலீட்டாளர்களின் எண்ணிக்கை 7,75,40,689-ஆக உயர்ந்துள்ளது.
 புதிய உச்சத்தில் நிறைவு:
 சென்செக்ஸ் காலையில் 91.32 புள்ளிகள் கூடுதலுடன் 55,647.11-இல் தொடங்கி, 55,536.84 வரை கீழே சென்றது. பின்னர், அதிகபட்சமாக 56,023.22 வரை உயர்ந்த சென்செக்ஸ், இறுதியில் 403.19 புள்ளிகள் கூடுதலுடன் 55,958.98-இல் நிலைபெற்றது. மொத்தமுள்ள 30 முதல் தரப் பங்குகளில் 19 பங்குகள் ஆதாயம் பெற்றன.11 பங்குகள் சரிவைச் சந்தித்தன.
 பஜாஜ் ஃபின்சர்வ் அமோகம்:
 சென்செக்ஸ் பட்டியலில் உள்ள பஜாஜ் ஃபின்சர்வ் 7.91 சதவீதம் உயர்ந்து ஆதாயப் பட்டியலில் முன்னிலை வகித்தது. இதற்கு அடுத்ததாக, டெக் மஹிந்திரா, டாடா ஸ்டீல், பஜாஜ் ஃபைனான்ஸ் உள்ளிட்டவை 3.40 சதவீதம் வரை உயர்ந்தன. மேலும், எச்டிஎஃப்சிபேங்க், எஸ்பிஐ, ஐசிஐசிஐ பேங்க், எல் அண்ட் டி, இன்டஸ்இண்ட் பேங்க், சன்பார்மா, ரிலையன்ஸ், ஆக்ஸிஸ் பேங்க், டாக்டர் ரெட்டீஸ் லேப் உள்ளிட்ட முன்னணி நிறுவனப் பங்குகளும் ஆதாயம் பெற்ற பட்டியலில் வந்தன.
 நெஸ்லே சரிவு: அதே சமயம், நெஸ்லே இந்தியா, எச்டிஎஃப்சி, இன்ஃபோஸிஸ் உள்ளிட்டவை 1 முதல் 1.20 சதவீதம் வரை குறைந்து வீழ்ச்சிப் பட்டியலில் முன்னிலை வகித்தன.
 மேலும், ஹெச்சிஎல் டெக், ஏஷியன் பெயிண்ட்ஸ், கோட்டக் பேங்க், டிசிஎஸ், பார்தி ஏர்டெல், ஐடிசி, மாருதி சுஸýகி ஆகியவையும் சரிவைச் சந்தித்த பட்டியலில் இடம் பெற்றன.

 நிஃப்டி 128 புள்ளிகள் உயர்வு:
 தேசிய பங்குச் சந்தையில் மொத்தம் 1,371 பங்குகள் ஆதாயம் பெற்றன. 412 பங்குகள் சரிவைச் சந்தித்தன. 50 முதல் தரப் பங்குகளை உள்ளடக்கிய நிஃப்டி குறியீடு 128.15 புள்ளிகள் (0.78 சதவீதம்) உயர்ந்து 16,624.60-இல் நிலை பெற்றது. வர்த்தகத்தின் போது ஒரு கட்டத்தில் 16,495.30 வரை கீழே சென்ற நிஃப்டி, பின்னர் அதிகபட்சமாக 16,647.10 வரை உயர்ந்தது. நிஃப்டி பட்டியலில் இடம் பெற்றுள்ளவற்றில் 35 பங்குகள் ஆதாயம் பெற்றன. 15 பங்குகள் சரிவை
 சந்தித்தன.
 நிஃப்டி ஐடி, எஃப்எம்சிஜி குறியீடுகள் தவிர மற்ற அனைத்துக் குறியீடுகளும் ஆதாயம் பெற்ற பட்டியலில் வந்தன. இதில் நிஃப்டி மெட்டல் குறியீடு 2.90 சதவீதம் உயர்ந்து பட்டியலில் முன்னிலை வகித்தது. மேலும், நிஃப்டி பேங்க், ஃபைனான்
 சியல் சர்வீஸஸ், ஆயில் அண்ட் காஸ், ஹெல்த் கேர், ரியால்ட்டி, பிஎஸ்யு பேங்க், பிரைவேட் பேங்க், மீடியா குறியீடுகள் 1.25 முதல் 2 சதவீதம் வரை உயர்ந்தன.