புது தில்லி: அதானி வில்மா் உள்ளிட்ட முன்னணி நிறுவனங்கள் சமையல் எண்ணெய் விலையை 10 முதல் 15 சதவீதம் வரை குறைத்துள்ளதாக எண்ணெய் உற்பத்தியாளா்கள் சங்கம் திங்கள்கிழமை தெரிவித்துள்ளது.

இதுகுறித்து அந்த சங்கம் வெளியிட்ட அறிக்கையில் மேலும் கூறியுள்ளதாவது:

அதானி வில்மா் (பாா்சூன் பிராண்ட்ஸ்), ருச்சி சோயா (சன்ரிச், ருச்சி கோல்ட், மகாகோஷ், நியூட்ரெட்லா பிராண்ட்ஸ்), இமாமி (ஹெல்தி&டேஸ்டி பிராண்ட்ஸ்), பஞ்ஜ் (டால்டா, ககன், சம்பல் பிராண்ட்ஸ்), ஜெமினி (ஃப்ரீடம் சன்ப்ளவா் பிராண்ட்ஸ்), கோகுல் அக்ரோ (வீடாலைஃப், ஸைக்கா பிராண்ட்ஸ்) உள்ளிட்ட முன்னணி நிறுவனங்கள் சமையல் எண்ணெயின் அதிகபட்ச சில்லறை விலையில் (எம்ஆா்பி) 10 முதல் 15 சதவீதம் வரை குறைத்துள்ளன. பண்டிகை காலத்தில் நுகா்வோா் நலன் கருதி இந்த விலை குறைப்பு செய்யப்பட்டதாக எஸ்இஏ தெரிவித்துள்ளது.