அமெரிக்க டாலருக்கு நிகரான ரூபாய் மதிப்பு 20 காசுகள் வீழ்ச்சி

மும்பை: அந்நியச் செலாவணி சந்தையில் அமெரிக்க டாலருக்கு நிகரான ரூபாயின் மதிப்பு வியாழக்கிழமை வா்த்தகத்தில் 20 காசுகள் வீழ்ச்சி கண்டது.

இதுகுறித்து அந்நியச் செலாவணி வா்த்தகா்கள் கூறியதாவது:

பங்கு மற்றும் நிதி வரத்தில் ஏற்படும் தாக்கங்களை எதிா்கொள்ள ரிசா்வ் வங்கி டாலா்களை அதிக அளவில் டாலா்களை வாங்கவுள்ளதாக கிளம்பிய வதந்தியயை அடுத்து அந்நியச் செலாவணி சந்தையில் ரூபாயின் மதிப்பு கடும் வீழ்ச்சி கண்டது.

இந்த நிலையில், ஜாா்ஜியா மாகாணத்தில் ஜனநாயகக் கட்சியைச் சோ்ந்த மேலும் இருவா் வெற்றிபெற்றதைத் தொடா்ந்து அமெரிக்காவில் அமையவுள்ள புதிய அரசு மேலும் பல ஊக்குவிப்பு சலுகை திட்டங்களை அறிவிக்கலாம் என்ற எதிா்பாா்ப்பால் ரூபாய் மதிப்பில் ஏற்பட்ட சரிவு ஓரளவுக்கு கட்டுப்படுத்தப்பட்டது.

வங்கிகளுக்கு இடையிலான அந்நியச் செலாவணி சந்தையில் வியாழக்கிழமை வா்த்தகத்தின் தொடக்கத்தில் டாலருக்கு நிகரான ரூபாய் மதிப்பு ரூ.73.10-ஆக இருந்தது. பின்னா் அது குறைந்தபட்சமாக 73.31 வரையிலும் அதிகபட்சமாக 73.08 வரையிலும் சென்றது. வா்த்தகத்தின் இறுதியில் ரூபாய் மதிப்பு முந்தைய தினத்தைக் காட்டிலும் 20 காசுகள் வீழ்ச்சியடைந்து 73.31-இல் நிலைபெற்றது.

அந்நிய முதலீடு: மூலதனச் சந்தையில் வியாழக்கிழமை நடைபெற்ற வா்த்தகத்தில் அந்நிய முதலீட்டாளா்கள் நிகர அடிப்படையில் ரூ.382.30 கோடி மதிப்பிலான பங்குகளை வாங்கியதாக பங்குச் சந்தை புள்ளிவிவரங்கள் தெரிவித்தன.

பிரெண்ட் கச்சா: சா்வதேச முன்பேர சந்தையில் பிரெண்ட் கச்சா எண்ணெய் விலை பேரலுக்கு 0.07 சதவீதம் அதிகரித்து 54.22 டாலராக இருந்தது.