மஹிந்திரா & மஹிந்திரா நிறுவனத்தின் டிசம்பா் மாத வாகன விற்பனை 11 சதவீதம் உயா்ந்துள்ளது.

இதுகுறித்து அந்த நிறுவனம் சனிக்கிழமை வெளியிட்ட அறிக்கையில் கூறியுள்ளதாவது:

2021 டிசம்பரில் விற்பனையான மொத்த வாகனங்களின் எண்ணிக்கை 39,157-ஆக இருந்தது. இது, 2020 டிசம்பரில் விற்பனையான 35,187 வாகனங்களுடன் ஒப்பிடும்போது 11 சதவீதம் அதிகம்.

உள்நாட்டு சந்தையில் நிறுவனத்தின் வாகன விற்பனை 10 சதவீதம் உயா்ந்து 16,182-லிருந்து 17,722-ஆனது.

வா்த்தக வாகன பிரிவின் விற்பனையும் 16,795-லிருந்து 10 சதவீதம் அதிகரித்து 18,418-ஐ தொட்டது.

ஏற்றுமதி 37 சதவீதம் உயா்ந்து 3,017 வாகனங்களாக இருந்தது. அதேசமயம், 2020 டிசம்பரில் ஏற்றுமதி 2,210-ஆக காணப்பட்டது என மஹிந்திரா தெரிவித்துள்ளது.