அமெரிக்க டாலருக்கு நிகரான ரூபாயின் மதிப்பு இன்றும் கடும் வீழ்ச்சியடைந்துள்ளது. வர்த்தக நேர முடிவில் ஒரு டாலர் ரூ.79.98-ஆக நிலைப்பெற்றது.
அமெரிக்க டாலருக்கான தேவை சா்வதேச சந்தையில் அதிகரித்து வருகிறது. அதன் தாக்கம் ஆசிய கரன்ஸிகளில் எதிரொலித்து வருகிறது.
அதன்படி, வங்கிகளுக்கு இடையிலான அந்நியச் செலாவணி சந்தையில் திங்கள் கிழமை வா்த்தகத்தில் டாலருக்கு நிகரான ரூபாயின் மேலும் சரிந்து 79.98-ஆனது.
வாரத்தின் முதல் நாளான இன்று காலையில் வர்த்தகம் தொடங்கியபோது ஒரு டாலர் ரூ.79.75 காசுகளாக இருந்தது. டாலருக்கான தேவை அதிகரித்ததைத் தொடர்ந்து ஒரு டாலரின் மாற்று மதிப்பு ரூ.79.98 என்ற உச்சத்தை தொட்டது.
இந்த ஆண்டில் டாலருக்கு நிகரான ரூபாய் மதிப்பு 7.5 சதவிகிதம் சரிவடைந்துள்ளது குறிப்பிடத்தக்கது.