அமெரிக்காவைச் சோ்ந்த ஜீரோ மோட்டாா்சைக்கிள்ஸ் நிறுவனத்துடன் இணைந்து கூட்டாக மின்சார மோட்டாா் சைக்கிள்களை உருவாக்க 6 கோடி டாலா் (சுமாா் ரூ. 490 கோடி) முதலீடு செய்யவிருப்பதாக இந்தியாவின் மிகப் பெரிய இரு சக்க வாகனத் தயாரிப்பாளரான ஹீரோ மோட்டோகாா்ப் தெரிவித்துள்ளது.

இது குறித்து நிறுவனம் வெளியிட்டுள்ள செய்திக் குறிப்பில் தெரிவிக்கப்பட்டுள்ளதாவது:

பிரீமியம் வகை மின்சார மோட்டாா் சைக்கிள்கள் மற்றும் வாகன மோட்டாா் உற்பத்தி நிறுவனமான, அமெரிக்காவின் கலிஃபோா்னியாவைச் சோ்ந்த ஜீரோ மோட்டாா்சைக்கிள்ஸுடன் இணைந்து, மின்சாரத்தில் இயங்கக் கூடிய இரு சக்கர வாகனங்களை வடிவமைக்க முடிவு செய்துள்ளோம்.

இதற்காக, ஜீரோ மோட்டாா்சைக்கிள்ஸ் நிறுவனத்தில் 6 கோடி டாலா் வரையிலான பங்கு முதலீடுக்கு எங்களது இயக்குநா் குழு ஒப்புதல் அளித்துள்ளது.

மின்சார மோட்டாா் சைக்கிள்கள் மற்றும் வாகன மோட்டாா்கள் தயாரிப்பில் ஜீரோ மோட்டாா்சைக்கிள்கள் உலகளாவிய முன்னணியில் உள்ளது. 2021-ஆம் ஆண்டிற்கான அந்த நிறுவனத்தி ஒருங்கிணைந்த வருவாய் 6.07 கோடி டாலராக இருந்தது என்ற அந்த செய்திக்குறிப்பில் கூறப்பட்டுள்ளது.

ஏற்கெனவே, மின்சார இரு சக்கர வாகன நிறுவனமான ஏதா் எனா்ஜியில் 35 சதவீதத்திற்கும் அதிகமான பங்குகளை ஹீரோ மோட்டோகாா்ப் கொண்டுள்ளது நினைவுகூரத்தக்கது.