இந்தியாவின் முன்னணி இரண்டு மற்றும் மூன்று சக்கர வாகன நிறுவனங்களில் ஒன்றான பஜாஜ் ஆட்டோவின் மொத்த விற்பனை ஆகஸ்ட் மாதத்தில் 16 சதவீதம் அதிகரித்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஆகஸ்ட் மாதத்தில் நிறுவனம் 3,97,804 வாகனங்களை சில்லறை விற்பனையாளா்களுக்கு அனுப்பியது. முந்தைய 2023-ஆம் ஆண்டின் இதே மாதத்தோடு ஒப்பிடுகையில் இது 16 சதவீதம் அதிகமாகும். அப்போது நிறுவனத்தின் மொத்த விற்பனை 3,41,648-ஆக இருந்தது.

மதிப்பீட்டு மாதத்தில் நிறுவன வாகனங்களின் உள்நாட்டு மொத்த விற்பனை 24 சதவீதம் உயா்ந்து 2,53,827-ஆக உள்ளது. 2023 ஆகஸ்ட் மாதத்தில் இந்த எண்ணிக்கை 2,05,100-ஆக இருந்தது.

கடந்த ஆண்டு ஆகஸ்ட் மாதத்தில் 1,36,548-ஆக இருந்த நிறுவன வாகனங்களின் ஏற்றுமதி நடப்பாண்டின் அதே மாதத்தில் 5 சதவீதம் உயா்ந்து 1,43,977-ஆக உள்ளது என்று அந்த செய்திக்குறிப்பில் தெரிவிக்கப்பட்டுள்ளது.