உள்நாட்டு சந்தையில் விற்பனை குறைந்ததால், கடந்த ஜூனுடன் நிறைவடைந்த முதல் காலாண்டில் ஹூண்டாய் மோட்டாா் இந்தியாவின் ஒருங்கிணைந்த நிகர லாபம் 8 சதவீதம் குறைந்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:கடந்த ஏப்ரல்-ஜூன் காலாண்டில் நிறுவனத்தின் ஒருங்கிணைந்த நிகர லாபம் ரூ.1,369 கோடியாக உள்ளது. இது, 2024-25-ஆம் நிதியாண்டின் ஏப்ரல்-ஜூன் காலாண்டுடன் ஒப்பிடுகையில் 8 சதவீதம் குறைவு.

அப்போது நிறுவனத்தின் நிகர லாபம் ரூ.1,490 கோடியாக இருந்தது.மதிப்பீட்டுக் காலாண்டில் நிறுவனத்தின் செயல்பாட்டு வருவாய் ரூ.17,568 கோடியில் இருந்து ரூ.16,628 கோடியாகக் குறைந்துள்ளது என்று அந்த அறிக்கையில் குறிப்பிடப்பட்டுள்ளது.