இந்தியாவின் முன்னணி இரண்டு மற்றும் மூன்று சக்கர வாகன நிறுவனங்களில் ஒன்றான பஜாஜ் ஆட்டோவின் மொத்த விற்பனை ஏப்ரல் மாதத்தில் 6 சதவீதம் சரிந்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஏப்ரல் மாதத்தில் நிறுவனம் 3,65,810 வாகனங்களை சில்லறை விற்பனையாளா்களுக்கு அனுப்பியது, இது முந்தைய 2024-ஆம் ஆண்டின் அதே மாதத்துடன் ஒப்பிடுகையில் 6 சதவீதம் குறைவாகும்.

மதிப்பீட்டு மாதத்தில் நிறுவனத்தின் இரு சக்கர வாகனங்களின் மொத்த விற்பனை 7 சதவீதம் குறைந்து 3,17,937 ஆக உள்ளது. இரு சக்கர வாகனங்களின் உள்நாட்டு விற்பனை 11 சதவீதம் சரிந்து 2,20,615 ஆக உள்ளது. அதே சமயம், இரு சக்கர வாகனங்களின் ஏற்றுமதி 4 சதவீதம் உயா்ந்து 1,45,195 ஆக உள்ளது.

வா்த்தக வாகனங்களின் மொத்த விற்பனை 3 சதவீதம் உயா்ந்து 47,873 ஆக பதிவாகியுள்ளது என்று அந்த அறிக்கையில் குறிப்பிடப்பட்டுள்ளது.