தேவையானவை:
அவல் - 1 கிண்ணம்
வெல்லம் - அரை கிண்ணம்
தண்ணீர் -  ஒன்னே கால் டம்ளர்
தேங்காய் - கால் கிண்ணம் (துருவியது)
ஏலக்காய் பொடி - 1 தேக்கரண்டி
நெய் - 2 தேக்கரண்டி

செய்முறை: முதலில் அவலை மிக்ஸியில் போட்டு அரைத்து தனியாக வைத்துக் கொள்ள வேண்டும். பின்னர் ஒரு வாணலியில் வெல்லத்தை தட்டிப் போட்டு, அரை கிண்ணம் தண்ணீர் ஊற்றி, வெல்லம் முற்றிலும் உருகியதும் இறக்கி, வடிகட்டிக் கொள்ள வேண்டும்.

பின்பு மீண்டும் அந்த வெல்லப் பாகுவை வாணலியில் ஊற்றி, மீதமுள்ள நீரை சேர்த்து கொதிக்க விட வேண்டும். கலவை கொதிக்க ஆரம்பித்ததும், அதில் தேங்காய், ஏலக்காய் பொடி மற்றும் நெய் சேர்த்து கிளறி, மெதுவாக பொடித்த அவலையும் சேர்த்து, கலவை ஓரளவு கெட்டியாகும் வரை கிளறி இறக்கி குளிர்ந்ததும், அதனை சிறு கொழுக்கட்டைகளாக பிடித்து, இட்லி தட்டில் வைக்க வேண்டும். பின் இட்லி பாத்திரத்தில் வைத்து, 10 நிமிடம் வேக வைத்து இறக்கினால், அவல் கொழுக்கட்டை ரெடி.
- தவநிதி