1981 ஜனவரி 3-ம் தேதி முதல் 17ம் தேதி வரை டில்லியில் 8வது சர்வதேசத் திரைப்பட விழா நடைபெற இருக்கிறது. 50க்கும் மேற்பட்ட பல நாடுகள் இவ்விழாவில் கலந்து கொள்கின்றன.

அமெரிக்கா, சோவியத் யூனியன், பிற கிழக்கு ஐரோப்பிய நாடுகளும் பிரிட்டன், பிரான்ஸ், ஜெர்மனி, இத்தாலி, முதலில் மேற்கு ஐரோப்பிய நாடுகளும், ஜப்பான், சீனா, பிரேசில், துருக்கி, வியட்நாம், எகிப்து, இந்தோனேஷியா முதலிய நாடுகளும், நேபாளம் வங்காள தேசம், இலங்கை முதலிய அண்டை நாடுகளும் இவ்விழாவில் பங்கு கொள்கின்றன.

தொழில் நுணுக்கம் புதுமைகளை அறியவும் கற்கவும் உத்திகளை உணரவும் இப்படித் திரைப்பட விழாக்கள், சம்பந்தப்பட்ட அனைத்துக் கலைஞர்களுக்கும் பொன்னான வாய்ப்பாகும்.

தமிழகத் திரைப்படக் கலைஞர், திரைப்படக் கல்லூரி மாணவர்கள், தயாரிப்பாளர்கள் அனைவரும் இக் கண்ணோட்டத்தில் இவ்விழாவில் கலந்து படங்களைப் பார்த்தும் பயன்பெறுவார்கள் என்று நம்புகிறோம்.

‘சினிமா எக்ஸ்பிரஸ்’ திரைப்பட விழாவைப் பற்றிய சகல அம்சங்களையும் டில்லிக்குச் சென்று கலந்து கொள்ளும் தனது சிறப்புப் பிரதிநிதி மூலம் வாசகர்களுக்கு வழங்கும் என்று இப்போதே அட்வான்ஸாக உறுதி கூறிக் கொள்கிறோம்.

நா.பார்த்தசாரதி

பொறுப்பாசிரியர்