பகுதி - 295

</p><p align="justify"><iframe height="200" src="https://w.soundcloud.com/player/?url=https%3A//api.soundcloud.com/tracks/272415367&auto_play=false&hide_related=false&show_comments=true&show_user=true&show_reposts=false&visual=true" width="50%" /></p><p align="justify"><strong><br />அலை கடல் நிகர் ஆகிய விழி கொடு வலை வீசிகள் அபகடம் மக(கா) பாவிகள்</strong> ... அலைவீசும் கடலுக்கு ஒப்பான பரந்த விழிகளைக் கொண்டு ஆட்களுக்கு வலைவீசுபவர்களும்; வஞ்சகம் நிறைந்த மகா பாவிகளும்; (<em>கடலில் வலையை வீசுவார்கள்.  இங்கே இவர்கள் கடலையே வலையாக வீசுகிறார்கள் என்ற நயம் உணரத்தக்கது</em>)</p><p align="justify"><strong>விரகாலே அதி வித மதரா அதம் அநித மொழி பல கூறிகள்</strong> ... தம்முடைய தந்திரத்தோடும், செருக்கு நிறைந்து பலவிதமான தாழ்வானதும் அநியாயமானதுமான பேச்சுக்களைப் பேசுபவர்களும்;</p><p align="justify"><strong>அசடரொடு உறவாடிகள் அநியாயக் கலை பகர் விலைமாதர்கள் இளைஞர்கள் குடி கேடிகள்</strong> ... அசட்டு மனிதர்களோடு உறவு கொண்டு திரிபவர்களும்; அநியாயமான முறையில் உடலை விற்கும் விலைமாதர்களும்; இளைஞர்களுடைய குடியைக் கெடுப்பவர்களுமான</p><p align="justify"><strong>கருதிடு கொடியாருடன் இனிதாகக் கன தன முலை மேல் விழு கபடனை நிரு மூடனை</strong> ... (என்னுடைய மனத்திலே) நினைத்திருக்கும் கொடிபோன்ற பெண்களுடைய கனமான மார்பகங்களின் மீது விழுகின்ற வஞ்சகனும் முழுமூடனுமான எனக்கு,</p><p align="justify"><strong>கழல் இணை பெறவே இனி அருள்வாயே</strong> ... உன்னுடைய இரண்டு திருவடிகளையும் அடையுமாறு இனிமேல் அருளவேண்டும்.</p><p align="justify"><strong>அலை புனல் தலை சூடிய பசுபதி மகனாகிய அறுமுக வடிவே அருள் குரு நாதா</strong> ... அலை வீசுகின்ற கங்கையைத் தலையில் தரித்துள்ளவரும்; (பசுக்களுக்கெல்லாம் பதி) உயிர்களுக்கெல்லாம் பதியானவருமான சிவபிரானுடைய மகனே, ஆறுமுகங்களோடு காட்சிதரும் உருவத்தனே!  அருள் பாலிக்கின்ற குருநாதனே!</p><p align="justify"><strong>அசுரர்கள் குடியே கெட அமரர்கள் பதியே பெற அதிரிடும் வடிவேல் விடும் அதி சூரா</strong> ... அசுரர்களுடைய குடியானது அழியும்படியும், தேவர்கள் தங்களுடைய அமராபதியைத் திரும்பப் பெறும்படியும் முழக்கமிடுவதான வடிவேலை எறிந்த அதி சூரனே!</p><p align="justify"><strong>தலை அயன் அறியா ஒரு சிவ குரு பரனே என தரணியில் அடியார் கண(ம்) நினை வாகா</strong> ... சிறந்த பிரமனாலும் அறியப்பட மாட்டாத ஒப்பற்ற சிவனாருடைய குருபரனே என்று பூமியில் அடியார் கூட்டம் நினைத்து(த் துதிக்கும்) அழகனே!</p><p align="justify"><strong>சகலமும் முதலாகிய அறுபதி நிலைமேவிய தட மயில் தனில் ஏறிய பெருமாளே.</strong> ... எல்லா தலங்களுக்கும் முதன்மை பெற்று விளங்கும் ஆறு திருப்பதிகளில்* வீற்றிருப்பவனே!  பெரிய மயில்மீது ஏறிவருகின்ற பெருமாளே!</p><p align="justify"><em>* திருமுருகாற்றுப் படையின்படி ஆறுபடை வீடுகள்: திருப்பரங்குன்றம், திருச்செந்தூர், திருவாவினன்குடி, திருவேரகம், குன்றுதோறாடல், பழமுதிர்ச்சோலை ஆகியவை.</em></p><p align="justify"><strong><em>சுருக்க உரை</em></strong></p><p align="justify"><em>அலைவீசுகின்ற கங்கையை சடாமுடியில் தரித்திருக்கும் பசுபதியான சிவபிரானின் மகனே!  ஆறுமுக உருவத்தனே!  அருள் பாலிக்கும் குருபரனே!  அசுரர்களுடைய குடி அழியும்படியும் தேவர்கள் தங்களுடைய அமராபதியைத் திரும்பப் பெறும்படியும் முழக்கமிடுகின்ற கூரிய வேலைச் செலுத்தியவனே!  அதி சூரனே!  ‘சிறந்த பிரமனாலும் அறிய முடியாதவரான ஒப்பற்ற சிவபிரானுடைய குருவே’ என்று பூமியிலுள்ள அடியார்களுடைய திருக்கூட்டம் எண்ணித் துதிக்கின்ற அழகனே!  எல்லாத் தலங்களுக்கும் முதலானவையாக விளங்கும் ஆறுபடை வீடாகிய தலங்களில் எழுந்தருளியுள்ளவனே!  பெரிய மயிலேறும் பெருமாளே!</em></p><p align="justify"><em>கடல்போலப் பரந்த கண்களை வலையாக வீசுகிறவர்களும்; வஞ்சக எண்ணமுடையவர்களும்; மகாபாவிகளும்; தம்முடைய தந்திரங்களாலே, செருக்கோடு பலவித அநியாயமான சொற்களைப் பேசுபவர்களும்; அசட்டு மனிதர்களோடு உறவாடுபவர்களும்; அநியாயமான முறையில் உடலை விலைபேசி விற்பவர்களுமான விலைமாதர்களோடு இனிதே கூடி, அவர்களுடைய பாரமான மார்பகங்களில் விழுகின்ற வஞ்சகனும், முழுமூடனுமான அடியே, உன்னுடைய திருவடி இணைகளை இனிமேல் பெறும்படி அருள்வாயாக.</em></p>