பகுதி - 299

</p><p align="justify"> </p><p align="justify"><iframe height="200" src="https://w.soundcloud.com/player/?url=https%3A//api.soundcloud.com/tracks/272872772&auto_play=false&hide_related=false&show_comments=true&show_user=true&show_reposts=false&visual=true" width="50%" /></p><p align="justify"><strong>அஞ்சுவித பூதமும்</strong> ... ஆகாயம், நீர், நெருப்பு, காற்று, மண் என்ற ஐந்துவிதமான பூதங்களும்;</p><p align="justify"><strong>கரண நாலும்</strong> ... புத்தி, மனம், சித்தம், அகங்காரம் என்ற நான்கு கரணங்களும்;</p><p align="justify"><strong>அந்திபகல் யாதும் அறியாத</strong> ... இரவும் அற்ற; பகலும் அற்ற;</p><p align="justify"><strong>அந்தநடு ஆதி யொன்றுமிலதான</strong> ... ஆதி, நடு, அந்தம் (தொடக்கம், நடப்பு, முடிவு) எதுவுமே இல்லாததான;</p><p align="justify"><strong>அந்தவொரு வீடு பெறுமாறு</strong> ... அந்த ஒப்பில்லாத வீடு பேற்றைப் பெறுமாறு;</p><p align="justify"><strong>மஞ்சுதவழ் சார லஞ்சயில வேடர்</strong> <strong>மங்கைதனை நாடி வனமீது</strong>... மேகம் தவழ்வதும் குளிர்ந்த காற்று வீசுவதுமான மலைவாழ் வேடர்களின் மங்கையாகிய வள்ளியம்மையை நாடி, (வள்ளிமலைக்) காட்டுக்கு,</p><p align="justify"><strong>வந்த சரணார விந்தம் அது பாட</strong> ... வந்து சேர்ந்த சரண அரவிந்தமான உன் திருவடித் தாமரைகளைப் பாட (எனக்கு),</p><p align="justify"><strong>வண்டமிழ் விநோதம் அருள்வாயே</strong> ... வலிய தமிழின் அற்புதமான அழகை (கவித்துவத்தை) அடியேனுக்கு அருள வேண்டும்.</p><p align="justify"><strong>குஞ்சர கலாப வஞ்சி</strong> ... (இந்திரனுடைய ஐராவதம் என்ற) யானை (வளர்த்தவளும்); பதினாறு முத்துக் கோவைகளையுடைய  இடையணியை அணிந்தவளான தேவானையுடைய,</p><p align="justify"><strong>அபிராம குங்கும படீர அதிரேக</strong> ... அழகானதும்; குங்குமக் குழம்பும், சந்தனக் கலவையும் மிகுதியாகப் பூசப்பட்டதுமான,</p><p align="justify"><strong>கும்பதன மீது சென்றணையு மார்ப</strong> ... கலசம் போன்ற தனங்களின் மீது படிந்து தழுவுகின்ற திருமார்பை உடையவனே!</p><p align="justify"><strong>குன்று தடுமாற இகல்கோப</strong> ... கிரெளஞ்ச மலை கலங்குமாறு அதைப் பகைத்துக் கோபித்தவனே!</p><p align="justify"><strong>வெஞ்சமர சூரன் நெஞ்சு பக</strong> ...கொடிய போரைச் செய்த சூரபத்மனுடைய நெஞ்சு பிளவுபடும்படியாக,</p><p align="justify"><strong>வீர வென்றி வடிவேலை விடுவோனே</strong> ... வீரமும் வெற்றியும் நிறைந்த கூர்மையான வேலை எறிந்தவனே!</p><p align="justify"><strong>விம்பமதில் சூழு நிம்பபுர வாண</strong> ... ஒளி பொருந்திய மதில்களால் சூழப்பட்ட நிம்பபுரம் என்ற தலத்தில் வீற்றிருப்பவனே!</p><p align="justify"><strong>விண்டல மகீபர் பெருமாளே.</strong> ... தேவலோகத்து அரசனான இந்திரனுடைய பெருமாளே!</p><p align="justify"> </p><p align="justify"><em>சுருக்க உரை</em></p><p align="justify"><em>ஐராவதம் என்ற யானையால் வளர்க்கப்பட்டவளும்; பதினாறு முத்து வடங்களால் ஆன இடையணியாகிய கலாபத்தை அணிந்தவளுமான தேவானையம்மையின் கலசம் போன்றதும்; குங்குமக் கலவையும் சந்தனக் குழம்பும் மிகுதியாகப் பூசியதுமான மார்பில் படியுமாறு இறுகத் தழுவுகின்ற மார்பனே!  கிரெளஞ்ச மலை தடுமாறும் படியாக அதைப் பகைத்துக் கோபித்தவனே!  கொடிய போர் செய்த சூரனுடைய நெஞ்சைப் பிளக்கும்படியாக வீரமும் வெற்றியும் நிறைந்த வேலை வீசியவனே!  ஒளிபொருந்திய மதில்கள் சூழ்ந்த நிம்பபுரம் என்னும் தலத்தில் வீற்றிருக்கின்றவனே!  தேவேந்திரனுடைய (தலைவனே) பெருமாளே!</em></p><p align="justify"><em>ஐந்து பூதங்களும்; நான்கு கரணங்களும்; இரவும்; பகலும்; ஆரம்பம், நடு, முடிவு—இவை எதுவுமே அற்றதான அந்த முக்தியான வீடு பேற்றை அடியேன் அடையும்படியாக,</em></p><p align="justify"><em>மேகங்க;ள தவழ்கின்ற சாரலை உடைய மலைகளில் வாழும் வேடர்குலப் பெண்ணான வள்ளியை விரும்பி வள்ளி மலைக் காட்டுக்கு வந்து சேர்ந்தவையான உன் பாதகமலங்களை,</em></p><p align="justify"><em>பாடும்படியாக அடியேனுக்கு வலியதும் அற்புத அழகை உடையதுமான தமிழைத் தந்தருள வேண்டும்.</em></p><p align="justify"><strong><em>மிகச் சுருக்கமாக,</em></strong></p><p align="justify"><em>அடியேன் வீடுபேற்றை அடையும்படி உன் பாதகமலங்களைப் பாடுவதற்காக, அற்புதமான தமிழைத் தந்தருள வேண்டும்.</em></p>