பகுதி - 236

இன்றைய பாடல் சிறுவை எனப்படும் தலத்துக்கானது.  சின்னம்பேடு, சிறுவரம்பேடு என்றும் பெயருள்ள இந்தத் தலம் சென்னை-ஆரணி வழியில் பனப்பாக்கம், பொன்னேரிக்கு அருகிலுள்ளது.  பாலமுருகன் என்ற பெயரில் முருகன் வீற்றிருக்கிறான்.  இந்த ஊரிலுள்ள திருமாலுக்குத் திருவூரகமால் என்று பெயர்.  அப்பெயர் இந்தப் பாடலில் குறிக்கப்படுகிறது.  அம்பிகை, பல நாமங்களால் துதிக்கப்படுகிறாள்.  ‘வாழ்வரம் தருவாய், அடியேன் இடர் களைவாயே’ என்று வேண்டுவதால் இப்பாடல் இடர்களைத் தொலைக்க வல்லதாய் அறியப்படுவது.

தான தந்தன தானன தானன

      தான தந்தன தானன தானன

      தான தந்தன தானன தானன   தனதான

வேலி ரண்டெனு நீள்விழி மாதர்கள்

   காத லின்பொருள் மேவின பாதகர்

   வீணில் விண்டுள நாடிய ரூமைகள்     விலைகூறி

வேளை யென்பதி லாவசை பேசியர்

   வேசி என்பவ ராமிசை மோகிகள்

   மீது நெஞ்சழி யாசையி லேயுழல்       சிறியேனும்

மால யன்பர னாரிமை யோர்முனி

   வோர் புரந்தர னாதிய ரேதொழ

   மாத வம்பெறு தாளிணை யேதின       மறவாதே

வாழ்த ருஞ்சிவ போகந னூனெறி

   யேவி ரும்பிவி னாவுட னேதொழ

   வாழ்வ ரந்தரு வாயடி யேனிடர்        களைவாயே

நீல சுந்தரி கோமளி யாமளி

   நாட கம்பயில் நாரணி பூரணி

   நீடு பஞ்சவி சூலினி மாலினி           யுமைகாளி

நேயர் பங்கெழு மாதவி யாள்சிவ

   காம சுந்தரி யேதரு பாலக

   நீர்பொ ருஞ்சடை யாரருள் தேசிக      முருகேச

ஆலில் நின்றுல கோர்நிலை யேபெற

   மாநி லங்களெ லாநிலை யேதரு

   ஆய னந்திரு வூரக மால்திரு          மருகோனே

ஆட கம்பயில் கோபுர மாமதி

   லால யம்பல வீதியு மேநிறை

   வான தென்சிறு வாபுரி மேவிய        பெருமாளே.

</p><p align="justify"><iframe height="200" src="https://w.soundcloud.com/player/?url=https%3A//api.soundcloud.com/tracks/262598798&auto_play=false&hide_related=false&show_comments=true&show_user=true&show_reposts=false&visual=true" width="50%" /></p>