பகுதி - 250

திருவாவினன்குடித் திருத்தலத்துக்கான பாடலிது.  ‘உன்னுடைய திருப்பாதங்களான அமுதத்தைப் பருகும்படியான ஞானத்தைத் தந்தருள வேண்டும்’ என்று இறைவனைக் கோருகிறது.  முற்றிலும் குற்றெழுத்துகளால் அமைந்துள்ள இந்தப் பாடலில் 8, 17, 26 ஆகிய எழுத்துகளும் கடைசிச் சீரில் இரண்டாம் மூன்றாம் எழுத்துகள் மட்டுமே (ஒற்றொழித்து) நெடிலாக அமைந்திருப்பதைக் காணலாம்.

தனதனன தனதான தனதனன தனதான
தனதனன தனதான                         தனதான

முகைமுளரி ப்ரபைவீசு மெழில்கனக மலைபோலு

   முதிர்விலிள தனபார                    மடவார்தோள்

முழுகியமி ழநுபோக விழலனென வுலகோர்கள்

   மொழியுமது மதியாமல்                  தலைகீழ்வீழ்ந்

தகமகிழ விதமான நகையமுத மெனவூற

   லசடரக மெழவாகி                      மிகவேயுண்

டழியுமொரு தமியேனு மொழியுமுன திருதாளி

   னமுதுபரு கிடஞான                     மருளாயோ

மகரமெறி திரைமோது பகரகடல் தடவாரி

   மறுகுபுனல் கெடவேலை                 விடுவோனே

வரிசையவுண் மகசேனை யுகமுடிய மயிலேறி

   வருபனிரு கரதீர                        முருகோனே

பகர்வரிய ரெனலாகு முகைகொழுந ருளமேவு

   பரமகுரு வெனநாடு                      மிளையோனே

பணிலமணி வெயில்வீசு மணிசிகர மதிசூடு

   பழநிமலை தனில்மேவு                  பெருமாளே.

</p><p align="justify"><iframe height="200" src="https://w.soundcloud.com/player/?url=https%3A//api.soundcloud.com/tracks/265178634&auto_play=false&hide_related=false&show_comments=true&show_user=true&show_reposts=false&visual=true" width="50%" /></p>