பட்டாசு சத்தம்: சசி எழில்மணி

புன்னகைக்கும் மத்தாப்பும் 
கண்ணீரை நமக்களிக்கும் 

வெடிக்கின்ற பட்டாசும் 
வலிகளை விட்டுச் செல்லும் 

சிறகு விரித்த பறவைகளும் 
சுற்றித்திரியும் விலங்கினமும் 

சப்தம்  கேட்டு படபடக்கும் 
செய்வதறியாது ஆர்ப்பரிக்கும் 

சிலநேர மகிழ்ச்சிக்காக 
காசும் கரியாகும்

கவனம் சிதறிப்போக 
கவலைகள் பெருகிப்போகும் 

சுழன்று வீசும் தென்றலும் 
மாசு பட்டுப் போய்விடும் 

பட்டாசு சத்தம் 
சிலருக்கு மகிழ்வெனினும் 
சிந்தித்துப் பார்த்தால் 
உண்மைகள் விளங்கிடும்