சூரிய தாகம் தாமரைக் கேங்கும்
தாமரை தாகம் தண்ணீர்க் கேங்கும்
தண்ணீர் தாகம் குளத்திற் கேங்கும்
குளத்தின் தாகம் மரத்திற் கேங்கும்
மரத்தின் தாகம் மழைக்கே ஏங்கும்
மழையின் தாகம் மேகத்திற் கேங்கும்
மேகத்தின் தாகம் கடலுக் கேங்கும்
கடலின் தாகம் நதிக்கென ஏங்கும்
நதியின் தாகம் மலைக்கென ஏங்கும்
மலையின் தாகம் மழைநீர்க் கேங்கும்
மழைநீர் தாகம் மனிதரின் செயலால்
தணியாத் தாகமாய் தணலெரி கதிரவன்
அணியாய் மாறி நிலமது வெடிப்புற
நீர்நிலை சுருக்கி பயிரதைக் கருக்கி
வேரடி நீரும் உறிஞ்சிடும் வண்ணம்
பாரதை விழுங்கும் சூரியத் தாகம்!