தாகச் சூரியனே!
மறந்தும் நீ...
தமிழகப் பக்கம்
தலைகாட்டி விடாதே!
தமிழகப் பெண்கள்...
தண்ணீர் தேடியும்...
மதுவை மறுத்தும்...
சாலை கேட்டும்...
போராடிப் போராடி...
கோபத்தின் உச்சத்தில்
கொதித்துப் போயுள்ளார்கள்!
சூரியனே!
அவர்கள் பார்வை
உன்மீது பட்டால்...
உன் சாம்பல்கூட மிஞ்சாது!
பஸ்பமாகி நீ...
இருந்த இடந் தெரியாமல்
இழப்பாய் உன்னையே!
அதிமுக அமைச்சர்கள்...
எம்.எல்.ஏ.,க்கள் போல்
ஒளிந்து திரிவதே...
உனக்கு இப்போது நல்லது!
தாகம் மோகமென்று
தலை காட்டினால் நீ...
கஷ்டப் படுவாய்!
கதிரவனே உஷார்!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.