வாழ்க்கையில் அக்கம்
பக்கம் தொட்டு நட்பு உறவு
பார்த்து பழகிவிடு மனிதாபி
மானத்தோடு ஒரு முறை

வெற்றிப் படிக்கட்டை தொடு
வீரநடை போடு தலை நிமிர்
வாழ்க்கை பயணத்தில் 
ஒரு முறையேனும் கால் பதி 

கசப்பு இனிப்பு இன்பம் 
துன்பம் சகலமும் தெரிந்து
கொள்ள ஒரு முறையேனும்
மிதித்து விடு காதல் படியை

மழலையை ரசிக்க அகம்
மகிழ்ந்து பார்க்க அணைக்க
விளையாடி கூடி மகிழ ஒரு
முறையேனும் பிற மனிதாக

காடு கழனி வரப்பு பசுமை
என சுற்றித் திரிந்து ரசி
மண்வாசனையை நுகர்
ஒரு முறையேனும்  வாழ்வில்

வேற்றுக்கிரகம் சென்று வா
பூமியின் தாய் மண்ணின்
பெருமையை உணர ஒரு
முறையேனும் பயணி நீ

தானம் சேவை அன்பு பாசம்
ஒரு முறையேனும் இவை
உன் வசம் வந்து மனம் வாசம்
வீச பழகிடு மனிதா வா

ஒரு முறையேனும்  நல்ல
மனிதனாய் வாழ முயற்சி
செய் எதிர்கால தேடல் உன்
பின்னால் வரும் என்கிற
நம்பிக்கையில் இன்று .....