சிறுமிகளின் சிதறல்கள்
சிறகை உடைத்துக் கதறல்கள்
உழவின் வழிமறந்த
உதவாக் கரைகளின்

ஊனமான பார்வைகள்
மக்களை மக்களாய்
மதியாதா மந்திரிகள்
மந்தியைவிட முந்திச் சென்று

பணம் குடிக்கும் பிண முதலைகள்
திட்டமில்லாத வட்டமேசைப் போட்டு
தினம் தினம் பல பேட்டிகள்
பட்டுப்போகும் மண்ணின் வளம்

பார்த்துச் சிரிக்கும்
பனங்காட்டு நரிகள்
சுவாசிக்க சுத்தமானக் காற்று
கேட்டவனை சுட்டுக் கொன்ற

கொடுமைகள் இவை
என்றும் என் இதயத்தில்
படிந்தக் கறுப்புக் கறைகள்