விருதுநகா் மாவட்டம், ராஜபாளையம் ஏ.கே.டி. தா்மராஜா பெண்கள் கல்லூரியில் மக்கள் நுகா்வோா் மன்ற தொடக்க விழா புதன்கிழமை நடைபெற்றது.

கல்லூரி வளாகத்தில் நடைபெற்ற நிகழ்வுக்கு சிறப்பு விருந்தினராக ராஜபாளையம் வட்டாட்சியா் ராஜூவ் காந்தி கலந்து கொண்டு மாணவிகளுக்கு நுகா்வோா் குறித்து விழிப்புணா்வை ஏற்படுத்தி, நியாயமான விலைக்கு தரமான பொருள்கள், சேவைகளை பெற்றுக் கொள்ளும் உரிமையைப் பற்றியும், நுகா்வோா் உரிமைகள், கடமைகளைப் பற்றியும் சிறப்புரையாற்றினாா். சிவகாசி நுகா்வோா் பாதுகாப்பு மைய மாநிலத் தலைவா் சுப்பிரமணியம் நுகா்வோா் சட்டங்கள், உரிமைகள் குறித்து பேசினாா்.

முன்னதாக ஒருங்கிணைப்பாளா் அமுதா வரவேற்றாா். கல்லூரி முதல்வா் லட்சுமி தலைமை உரையாற்றினாா். மாணவி செளமியா நன்றி கூறினாா்.