விருதுநகா் மாவட்டம், ராஜபாளையத்தில் தனியாா் அறக்கட்டளை சாா்பில் பழங்குடியின மக்களுக்கு புத்தாடைகள், வீட்டு உபயோகப் பொருள்கள் உள்ளிட்டவை திங்கள்கிழமை வழங்கப்பட்டன.

ராஜபாளையம் அய்யனாா் கோயில் மேற்குத் தொடா்ச்சி மலை அடிவாரப் பகுதியில் பழங்குடி இன மக்களுக்கான அரசுக் குடியிருப்பில் 25-க்கும் மேற்பட்ட குடும்பத்தினா் வசித்து வருகின்றனா்.

பழங்குடியின மக்களுக்கு தனியாா் அறக்கட்டளை சாா்பில் வேட்டி, சேலை, போா்வை, வீட்டு உபயோகப் பொருள்கள், புத்தாடைகள் ஆகியவற்றை ராஜபாளையம் குடிமைப் பொருள் தனி வட்டாட்சியா் ஆனந்தராஜ், துணை வட்டாட்சியா் கோதண்டராமன், தனியாா் அறக்கட்டளையினா் வழங்கினா்.