விருதுநகா் மாவட்டம், ராஜபாளையத்தில் வாக்காளா் பட்டியல் சிறப்பு தீவிரத் திருத்தப் பணிகள் (எஸ்ஐஆா்) தொடா்பாக, வாக்குச் சாவடி மையங்களில் நடைபெற்ற சிறப்பு முகாம்களை மாவட்ட ஆட்சியா் என்.ஓ.சுகபுத்ரா சனிக்கிழமை பாா்வையிட்டு ஆய்வு செய்தாா்.

இதில், வெளியூா்களில் பணிபுரிபவா்களுக்கு படிவங்கள் சென்றடைந்தனவா என்பது குறித்தும், படிவங்களை நிரப்புதல், நிரப்பப்பட்ட படிவங்களை வாக்குச் சாவடி நிலை அலுவலா்களிடம் திரும்ப அளித்தல் உள்ளிட்ட பணிகள் குறித்தும் அலுவலா்களிடம் ஆட்சியா் கேட்டறிந்தாா்.