'ஏம்பா ராப்பிச்சை.. நான்தானே உனக்கு சாப்பாடு போட்டேன்.. ஆனா என் கணவருக்கு நன்றி சொல்றே..?'

'சமையல் அவர்தானே தாயி செஞ்சது...?'

-பர்வீன் யூனுஸ், சென்னை.



'நான் என் பெண்டாட்டிக்கு பயப்படுவேன்.. நீங்க?'

'நான் ஏன் சார் உங்க பெண்டாட்டிக்கு பயப்படணும்..?'

-நா.நாகராஜன், ஊரப்பாக்கம்.



'நான் வீட்டுக்காரிக்கு பயப்படுவேன்.. நீங்க?'

'அட போங்க சார்.. நான் சொந்த வீட்டில்தான் இருக்கேன்..?'



'என் மனைவி புடவைக் கடைக்கு போனா, சாப்பாட்டையே மறந்துடுவா?'

'என் மனைவி புடவைக் கடைக்குப் போகும்போது, கையில் சாப்பாடு கட்டின்னு போயிடுவா?'



'நீதான் டாக்டராச்சே.. அப்புறம் ஏன் உன் கணவர் ஜூரத்துக்கு வேறு டாக்டரிடம் போறாரு?'

'என் பக்கத்துல இருந்தா, அவரு தெர்மா மீட்டர் வைத்து பார்க்கக் கூட வாய் திறக்க மாட்டாரே..?'

-வி.சாரதி டேச்சு, சென்னை.



'சார்.. பீரோவில் இருந்த ஐநூறு புடவைகளையும் காணவில்லை...?'

'ஏம்மா.. உங்களுக்கு யார் மேல சந்தேகம்...?'

'என் புருஷன் மீதுதான் சார்.. துவைக்க கஷ்டமா இருக்குன்னு அடிக்கடி சொல்லிட்டே இருப்பாரு?'

-நடேஷ் கன்னா, கல்லிடைக்குறிச்சி.



'புகுந்த வீட்டுக்கு வரும்போது உன் அம்மா, உன் காதுல ஏதோ கிசுகிசுத்தாங்களே.. என்ன சொன்னாங்க?'

'சமையலில் ஏதும் சந்தேகம் இருந்தா மாப்பிள்ளையைக் கேட்டு தெரிஞ்சுக்கோங்கோன்னு சொன்னாங்க?'

-எம்.பி.தினேஷ், கோவை- 25.



'எனக்கும் என் மனைவிக்கும் சண்டை வந்து, இன்றோடு ஏழு வருஷம் முடியுது..?'

'வெறுமனே சொன்னா எப்படி? ட்ரீட் எங்கே?'

'அடப்பாவி.. ஏழு வருஷமா பெண்டாட்டியே பிரிஞ்சி தனியா இருக்கறதுக்கு ட்ரீட் வேறயா?'



'குடும்பப் பிரச்னைகள் தவிர்க்க 100 வழிகள் என்று நூல் வெளியிட்டீங்களே.. நீங்களே மனைவியை பிரிஞ்சி இருக்கீங்களே?'

'அந்த நூறு வழிகளில் இதுவும் ஒரு தலையாய வழிங்க சார்...'



'தப்பை உன் மேல வைச்சிட்டு பெண்டாட்டி அடிக்கிறான்னு சொல்றீயே..?'

'என் மீது என்ன சார் தப்பு...?'

'கல்யாணம் பண்ணிக்கிட்டதுதான்...'



'உன் பேரை 'சாந்தா'ன்னு கூப்பிடாம 'சந்தா'ன்னு உன் புருஷன் கூப்பிடுறாரே! ஏன்?'

'மாசமாசம் எனக்காக நிறைய பணம் செலவழிக்கிறாராம். அதான் அப்படி சொல்றாரு?'



'எனக்கு பிடிக்காததை என் மனைவியும், என் மனைவிக்கு பிடிக்காத வேலையை நானும் செய்துடுவோம்..?'

'வெரிகுட்.. நீங்க என்ன வேலை செய்வீங்க.. உங்க மனைவி என்ன செய்வாங்க?'

'எனக்கு சீரியல் பார்க்கப் பிடிக்காது.. அவங்களுக்கு வீட்டில் வேலை செய்ய பிடிக்காது...?'



'உங்க வீட்டுக்காரர் பெயர் 'இன்னாரப்பாவா? புதுசா இருக்கே...'

'எங்க மாமியார்தான் இன்னார் அப்பான்னு சொல்ல சொன்னாங்க..?'

-வி.ரேவதி, தஞ்சாவூர்.