சினிமா மற்றும் அரசியல் ஆளுமைகளின் வாழ்க்கை வரலாற்றுப் படங்கள் உருவாகி வரும் வேளையில்,  விளையாட்டு துறையை சேர்ந்த தோனி, சச்சின், சாய்னா, மேரிகோம் போன்றவர்களின் வாழ்க்கை படங்களும் உருவாகின்றன. அடுத்து முதல் பெண்மணியாக விமான பைலட் ஆகி கார்கில் போரில் பங்கெடுத்த குன்ஜான் சக்சேனா வாழ்க்கை சரித்திரம் பல்வேறு மொழிகளில் படமாக உள்ளது. குன்ஜான் வேடத்தில் நடிகை ஸ்ரீதேவி மகள் ஜான்வி கபூர் நடிக்கிறார். இதையடுத்து சமீபத்தில் குன்ஜானை நேரில் சந்தித்த அவர் கார்கில் போரில் அவர் ஆற்றிய சேவைக்குப் பாராட்டு தெரிவித்ததுடன் அவருடைய அனுபவம் பற்றியும் கேட்டறிந்தார். 1999}ஆம் ஆண்டு இந்தியா}பாகிஸ்தானுக்கு இடையே நடந்த கார்கில் போரில் காயம் அடைந்த வீரர்களை போர் நடக்கும் பகுதிகளுக்கும், அங்குள்ள முகாம்களுக்கும் விமானத்தில் சென்று அவர்களை மீட்டு வரும் பணியில் குன்ஜான் ஈடுபட்டார் என்பது குறிப்பிடத்தக்கது.  "தடக்' என்ற ஹிந்தி படம்  மூலம் நடிகையாக அறிமுகமான ஜான்வி கபூர் அடுத்து விமான வீராங்கனையாக வேடமேற்றிருப்பதற்கு பலரும் பாராட்டு தெரிவித்து வருகின்றனர்.