தேவையானவை:
பேபி கார்ன் - 100 கிராம்
மைதா - 2 தேக்கரண்டி
பஜ்ஜி மாவு அல்லது கடலை மாவு - 2 தேக்கரண்டி
மிளகாய்த் தூள் - அரை தேக்கரண்டி
சோளமாவு - 1 தேக்கரண்டி
அரிசி மாவு - 1 தேக்கரண்டி
உப்பு - தேவைக்கேற்ப
தயிர் - 2 தேக்கரண்டி
எண்ணெய் - தேவைக்கேற்ப
சோடா மாவு - 1 சிட்டிகை
செய்முறை:
பேபி கார்னை நீளவாக்கில் மெல்லிய துண்டுகளாக நறுக்கிக் கொள்ளவும். அதனுடன், பஜ்ஜி மாவு, மிளகாய்த்தூள், சோளமாவு, அரிசி மாவு, உப்பு , தயிர், சோடா மாவு சேர்த்து நன்கு பிசைந்து 1மணி நேரம் ஊற வைக்கவும். பின்னர், வாணலியில் எண்ணெய்விட்டு ஊற வைத்துள்ள பேபி கார்னை சிறிது சிறிதாக இட்டு பொன்னிறமாக பொரித்து எடுக்கவும். சுவையான கிரிஸ்பியான பேபி கார்ன் ஃபிங்கர் ஃப்ரை தயார்.