தேவையானவை: 

பச்சைப் பட்டாணி - 1 கிண்ணம்
கேரட் துருவல் - 3 தேக்கரண்டி
தேங்காய்த்துருவல் - 3 தேக்கரண்டி 
உப்பு - தேவைக்கேற்ப

தாளிக்க:

எண்ணெய் - 2 தேக்கரண்டி
கடுகு - 1 தேக்கரண்டி
உளுந்தம் பருப்பு - 1 தேக்கரண்டி
பெருங்காயம் - அரை தேக்கரண்டி
வரமிளகாய் - 2
கறிவேப்பிலை - 1 ஈர்க்கு
மேலே தூவுவதற்கு:
 நறுக்கிய மல்லித்தழை - 2 தேக்கரண்டி

செய்முறை: 

பச்சைப் பட்டாணியை அரை மணி நேரம் ஊற வைத்து உப்பு சேர்த்து குழையாமல் வேக விடவும். வாணலியில் 2  தேக்கரண்டி,  எண்ணெய் ஊற்றி தாளிக்கக் கொடுத்தவற்றைத் தாளித்து வெந்த பட்டாணியைச் சேர்த்து வதக்கி கேரட் துருவல், தேங்காய்த்துருவல் சேர்த்துக் கிளறி இறக்கவும். மல்லித்தழை தூவி கலந்துவிடவும்.