முதுகு வலியானது நீண்ட நேரம் ஒரே இடத்தில் அமர்ந்து வேலை பார்ப்பவர்கள், நீண்ட தூரம் பயணிப்பவர்கள் போன்றவர்களுக்கு இது ஒரு வழக்கமான பிரச்னையாக மாறிவிட்டது.  நம்முடைய தினசரி உணவு, பருப்பு வகைகள் கூட முதுகு வலி பிரச்னை ஏற்படலாம்.

தீர்வு

முதுகு வலியை உடற்பயிற்சியாலும், சரி செய்யலாம். 

கை, கால்களை மெதுவாக நீட்டி மடக்குதல்,  நடைப்பயிற்சி செய்வதன் மூலம் தசைகள் வலுவாகி, இறுக்கமாவது தடுக்கப்படுகிறது. 

சரியான ஆரோக்கியமான உடல் எடையைப் பராமரித்தல் முக்கியம்.

பணி,  வாழ்க்கை முறையால் தொடர்ச்சியாக நீண்ட நேரம் அமர்ந்திருப்பதாலும், நிற்பதாலும் கீழ் மூட்டு வலி ஏற்படும்.

தசைகளை வலுவாக வைத்துக் கொள்ள, எடை தூக்குதல், உட்காருதல், உடலை நகர்த்துதல் போன்ற செயல்களின்போது சரியான உடல் இயக்கவியலைப் பின்பற்றவும். 

வெதுவெதுப்பான நீரில் குளிக்கவும்.

கடினமான,  முடிச்சு ஏற்பட்ட முதுகுத் தசைகளை இயல்பு நிலைக்குக் கொண்டு வர மசாஜ் செய்யவும்.

கீழ் முதுகு வலியால் அவதிப்படும்போது மல்லாந்து படுப்பதில் ஒருவித அசெளகரியம் ஏற்படுவதால் முழங்காலை சற்று மடக்கி, ஒருபக்கமாக சரிந்து படுக்கவும். 

இரு கால்களுக்கு இடையே தலையணை வைக்கவும். 

மல்லாந்து படுப்பதனால், தொடைகளின் கீழ் தலையணை அல்லது சுருட்டப்பட்ட துண்டினை  வைப்பதன் மூலம் கீழ் முதுகின் மீது ஏற்படும் அழுத்தம் குறைகிறது.

நிலையான உறுதியான மேற்பரப்பின் மீது படுக்கவும். 

இதுதவிர, குதிகால் உயரமான செருப்புகள், ஷூக்கள் அணிவது, நிகோடின் உபயோகம் போன்றவை முதுகெலும்பு வட்டுகளில் சிதைவை ஏற்படுத்தி இரத்தஓட்டத்தைக் குறைப்பதால் அவற்றைத் தவிர்க்கவும்.

அலுவலகத்தில் பணிபுரிபவர்கள், முதுகுக்குத் தாங்கலாக இருக்கும் நாற்காலியை பயன்படுத்தவும்.

கணினியின் திரை கிட்டத்தட்ட கைக்கு எட்டும் தூரத்தில் இருக்குமாறும், கணினி திரை கண்களின்மட்டத்திற்கு சற்று குறைவான உயரத்தில் இருக்குமாறும் வைக்கவும்.

போதுமான கால்சியம், பாஸ்பரஸ் சத்துள்ள உணவை சரியானஅளவில் உண்ணவும். மீன், இறைச்சி, பால் பொருட்கள், கோதுமை, பார்லி, சோளம் போன்ற தானியங்கள், ஓட்ஸ், கீரை உள்ளிட்ட உணவு பொருட்களை சேர்த்துக்கொள்ளவும்.

இவற்றை பின்பற்றினால் ஆரோக்கியமாக வாழலாம்.