செட்டிநாடு வெஜிடபிள் கறி

தேவையான பொருள்கள் :

பச்சை நிற கத்திரிக்காய் 500 கிராம்
உருளைக்கிழங்கு  400 கிராம்
பெரிய வெங்காயம்  3
பீன்ஸ்  200 கிராம்
முட்டைக்கோஸ்  300 கிராம்
பட்டாணி  200 கிராம்
எண்ணெய்  தேவையான அளவு 
உப்பு  தேவையான அளவு
கடுகு  கால் தேக்கரண்டி
கறிவேப்பிலை  10 இலைகள் 
அரைக்க தேவையானப் பொருள்கள் :
கசகசா  2 மேசைக்கரண்டி
காய்ந்த மிளகாய்  10
மிளகு  கால் தேக்கரண்டி
இஞ்சி  சிறு துண்டு 
பூண்டு  10 பல் 
வெங்காயம்  2 கிண்ணம்
சீரகம்  1 தேக்கரண்டி
சோம்பு  1 தேக்கரண்டி

செய்முறை :  

முதலில் பச்சை நிற கத்திரிக்காய், உருளைக்கிழங்கு, பெரிய வெங்காயம், பீன்ஸ், முட்டைக்கோஸ் ஆகியவற்றை  நீளமாக நறுக்கிக் கொள்ளவும்.  பின்னர், கசகசா, மிளகு, இஞ்சி, பூண்டு, சின்ன வெங்காயம், சீரகம், சோம்பு ஆகியவற்றை மிக்ஸியில் போட்டு நன்கு அரைத்துக் கொள்ளவும். அதில்,  பட்டாணி, பீன்ஸ், உருளைக்கிழங்கு, முட்டைக்கோஸ் ஆகியவற்றை குக்கரில் வேக வைத்துக் கொள்ளவும். வாணலியில் எண்ணெயை ஊற்றி சூடானதும், கடுகு, கறிவேப்பிலை, வெங்காயம் சேர்த்து வதங்கி, அதனுடன் கத்திரிக்காயை சேர்க்கவும். நன்றாக வதங்கியதும், அரைத்து வைத்துள்ள மசாலா கலவை, தேவையான அளவு உப்பு சேர்த்து நன்கு வாசனை வரும்வரை வதக்கவும். வேக வைத்த காய்கறிகளை சேர்த்து மிதமான தீயில் கலவை கெட்டியாக வரும்வரை கொதிக்க வைத்து இறக்கவும்.