உருளைக்கிழங்கை பொரிக்கும் முன்பு சிறிது பயத்தம் மாவை உருளைக்கிழங்கு மீது தெளித்தால், பொரியல் மொரமொரப்பாக இருக்கும். -ஆர்.கே.லிங்கேசன், மேலகிருஷ்ணன்புதூர்.

ரசத்துடன் இரண்டு துண்டு அன்னாசிப்பழம் நறுக்கிப் போட்டு வேகவைக்கும்போது, மிகவும் சுவையாக இருக்கும். -விமலா சடையப்பன், காளனம்பட்டி.

காளான் உணவுகளைத் தயாரித்த நான்கு மணி நேரத்துக்குள் சாப்பிட வேண்டும். மறுநாள் சாப்பிட்டாலோ, சூடுபடுத்திச் சாப்பிட்டாலோ காளானிலுள்ள புரதம் சிதைந்து, இதயத்தைப் பாதிக்கும்.

பீட்ரூட் கறி வகைகளைச் சமைத்தவுடன் மீண்டும் சூடுபடுத்தினால், சத்துகள் அழிந்துவிடும். வயிற்று உபாதைகள் ஏற்படும்.

கீரை உணவுகளை மறுபடியும் சூடுபடுத்தினால், கீரையிலுள்ள நைட்ரஜன் சத்து சிதைந்து நஞ்சாகிவிடும். இதனால் குடல் புற்றுநோய் ஏற்படும்.

பசு வெண்ணெயில் வைட்டமின் ஏ சத்து இருப்பதால், பார்வை குறைபாடு, கண் நோய் நீங்கும்.

காசநோயால் அவதிப்படுவர்களுக்கு வெண்ணெய் மிகவும் நல்லது.

வெண்ணயில் அடங்கியுள்ள கால்சியம் சத்தானது எலும்பு, பற்களுக்கு வலு சேர்க்கிறது. வயோதிகத்தால் வரக் கூடிய எலும்பு நோய்களை வராமல் தடுக்க உதவுகிறது.