மழையின் அழகு

மழை வருது மழை வருது

ஒதுங்கி நில்லுங்க

மழைத் தண்ணீர் ஓடி வருது

ஒதுங்கி நில்லுங்க

சாரல் காற்றில் நிற்க வேண்டாம்

தள்ளி நில்லுங்க

சட்டை வேட்டி நனைந்து போகும்

தள்ளி நில்லுங்க

ஆலங்கட்டி மழை இதுதான்

அதோ பாருங்க

தண்ணீர் முத்து உடைந்து தெறிக்கும்

அழகைப் பாருங்க

எங்கும் ஒலிக்கும் மழையின் இரைச்சல்

உற்றுக் கேளுங்க

கேட்கும் தோறும் இதயம் கரையும்

ஊன்றிக் கேளுங்க

கிளைகள் அசைந்து நடனம் ஆடும்

மரத்தைப் பாருங்க

உதிர்ந்த சருகு மிதந்து போகும்

அழகைப் பாருங்க