எந்த ஒரு ஜாதகரும் சுப காரியம் செய்ய விரும்பும் நாளுக்கு, தன் நட்சத்திரத்திலிருந்து அன்றைய நட்சத்திரம் வரை எண்ணி வந்த தொகையை ஒன்பதால் வகுத்து கழிக்கவும். கழித்து வந்ததில் மீதி 2,4,6,8,9 வருவது மிகவும் உத்தமம்.
 சுப பலன் கொடுக்கும் தாரை: 2, சம்பத்து, 4. சுபம், க்ஷேமம், 6. தெய்வ அனுகூலத்தால் நற்பலன், 8. மைத்திரம், 9. பரம மைத்திரம்.
 அசுப பலன் கொடுக்கும் தாரை: 1. கவலை, 3. விபத்து, 5. காரியநாசம், 7. வதை.
 சந்திர பலன்: ஒருவருடைய ஜனன ராசி முதல் அன்றைய தினம் சந்திரன் நின்ற ராசி வரையில் எண்ணி வந்த தொகையால் கீழ்காணும் பலன்கள் கிடைக்கிறது. 1. இன்பம், 2, விரயம்/ நஷ்டம், 3. தன லாபம், 4, வியாதி, 5. பங்கம், 6. எதிரிகளை வெல்லும் வல்லமை, 7. சௌக்கியம், 8. விரோதம்/ பகை, 9. காரிய தாமதம், 10. தொழில் சேர்க்கை, 11. செல்வச் சேர்க்கை, 12. நஷ்டம் (கெடுதியான ராசியை ஒதுக்க வேண்டும்)
ராசிகள்- துறைகள்
 மேஷம்: காவல்துறை, ராணுவம், சர்வே, ஆலை, நெருப்பு சம்பந்தமான துறைகள்.
 ரிஷபம்: பயிர்த்தொழில், விவசாயம், பால், அரிசி, பட்டு, சங்கீதம், சர்க்கரை ஆலை, புகைப்படம், எக்ஸ்ரே, பெண்கள் சூழ்ந்த இடம், நீதிமன்றம்.
 மிதுனம்: பேச்சாளர், கவிஞர், எழுத்தாளர், ஆசிரியர், நூலகர், தரகர், காண்ட்ராக்டர், தூதர், டெலிபோன், காப்பீடு.
 கடகம்: பாசனத்துறை, கடற்கரை, மீன் வளத்துறை, குடிநீர் வடிகால் வாரியம், உணவுப்பொருள் வழங்குத் துறை, மகளீர் நலம்.
 சிம்மம்: அரசுத்துறை, தலைமைச் செயலகம், கஜானா, நாணயக் கிடங்கு, வங்கி, திட்டமிடல், சுகாதாரம், நகரமைப்பு.
 கன்னி: கல்வி, நூலகம், ஆசிரியர், கணக்கர், தமிழ்த்துறை, பத்திரப்பதிவு, வெளியீட்டுத்துறை, தேர்வாணையம், தபால், தந்தி.
 துலாம்: நீதித்துறை, வணிகவரித்துறை, கலைத்துறை, வனத்துறை, திரைப்படத் தணிக்கை, திரைப்படக் கல்லூரி முழுவதும் பெண்களுக்கான துறைகள்.
 விருச்சிகம்: மருந்தாளுனர், கால்நடை மருத்துவம், இயல்முறை மருத்துவம் (பிசியோதெரபி) , மதுபானக் கடைகள், தாய் சேய் நலவிடுதிகள்.
 தனுசு: அறநிலையத் துறை, கஸ்டம்ஸ், புத்தக வியாபாரம், மதத்தைச் சார்ந்து தொழில் புரிவோர், குழந்தைகள் காப்பகம், நிதி நிறுவனங்கள்.
 மகரம்: காரீயம், இரும்பு, எண்ணெய் உற்பத்தி அல்லது விற்பனை, அநாதை இல்லங்கள், சிறைத்துறை, கொல்லப்பட்டறை.
 கும்பம்: லிமிடெட் கம்பெனிகள், சீட்டு நிறுவனங்கள், பைனான்ஸ் நிறுவனம், கூட்டுறவுத்துறை, சுரங்கம், மின்சார எரி பொருள்கள்.
 மீனம்: திரவப்பொருள்கள், முத்து, மீன் எண்ணெய், மஞ்சள், கடன் வழங்குதல், ஜவுளி, மருத்துவத்துறை, அடிக்கடி பிரயாணம் செய்யும் போக்குவரத்து தபால் தந்தி.