இஸ்லாமாபாத்: பாகிஸ்தானில் ஏற்பட்ட வெள்ளப்பெருக்கில் சிக்கி இதுவரை 71 பேர் பலியாகி உள்ளதாகத் தேசிய பேரிடர் மேலாண்மை அதிகாரிகள் தெரிவித்துள்ளனர்.

சமீபத்தில் கைபர்-பக்துன்குவா, கில்கிட்-பல்திஸ்தானில்  ஆகிய மாகாணத்தில் உள்ள வீடுகள் பலத்த சேதமடைந்ததுள்ளன. 370-க்கும் மேற்பட்ட வீடுகள் புதையுண்டு போயின.

கைபர்-பக்துன்குவா மாகாணத்தில் 48 பேரும், கில்கிட் பல்திஸ்தானில் 15 பேரும் ஹங்லா மாவட்டத்தில் 8 பேரும் உயிரிழந்துள்ளதாகத் தகவல்கள் வெளியாகியுள்ளது. இதில் கில்கிட் பகுதியில் ஏற்பட்ட நிலச்சரிவால் வீடுகள் இழந்த நிலையில் மக்கள் தவிர்த்து வருவதாக டான் செய்திகள் கூறுகின்றன.

மார்ச் 9 முதல் ஏப்ரல் 5 வரை 212 பேர் காணாமல் போனதாகவும், 188 பேர் காயமடைந்ததாகவும், 1428 பேர் வீடுகள் இழந்துள்ளதாகவும் தகவல்கள் வெளியாகியுள்ளது.

பாதிக்கப்பட்டவர்களுக்குத் தேசிய பேரிடர் மேலாண்மை குழு அதிகாரிகள் உணவு, உடை, போர்வை உள்ளிட்ட உதவிகளைச் செய்து வருகின்றது.