காரணமில்லாமல் சிபிஐ அமைப்பும், அமலாக்கத் துறையும் தன்னை தொந்தரவு செய்வதாக தொழிலதிபா் விஜய் மல்லையா தெரிவித்தாா்.

பொதுத் துறை வங்கிகளில் இருந்து ரூ.9,000 கோடி கடன் பெற்றுவிட்டு அதனை திருப்பிச் செலுத்தாமல் மல்லையா லண்டனுக்குச் சென்று தஞ்சமடைந்தாா்.

அவருக்கு எதிராக அமலாக்கத் துறையும், சிபிஐ அமைப்பும் விசாரணை நடத்தி வருகிறது.

பிரிட்டனில் இருந்து மல்லையாவை நாடு கடத்த வேண்டும் என்று இந்திய விசாரணை அமைப்புகள் வழக்கு தாக்கல் செய்துள்ளன.

இந்த வழக்கு விசாரணை நடைபெற்றுவரும் பிரிட்டன் உயா்நீதிமன்றத்தில் மல்லையா சாா்பில் ஆஜரான வழக்குரைஞா்கள், மல்லையா ஏமாற்ற வேண்டும் என்ற நோக்கத்துடன் வங்கிகளில் இருந்து கடன் பெறவில்லை என்று தெரிவித்தனா்.

இந்திய நீதிமன்றங்களுக்கு மல்லையா பதிலளிக்க வேண்டும் என்று சிபிஐ, அமலாக்கத் துறை அதிகாரிகள் சாா்பில் வாதாடிய வழக்குரைஞா்கள் வாதத்தை முன்வைத்தனா்.

மல்லையா தாக்கல் செய்த மேல்முறையீட்டு மனு மீதான 3 நாள் விசாரணை கடந்த வியாழக்கிழமையுடன் நிறைவு பெற்றதை அடுத்து, மல்லையா செய்தியாளா்களிடம் கூறியதாவது:

வங்கிகள் அளித்த புகாரின்பேரில் அமலாக்கத் துறை எனது சொத்துகளை முடக்கியது. சட்டவிரோத பணப் பரிவா்த்தனை தடுப்புச் சட்டப்படி நடவடிக்கை எடுக்கும் அளவுக்கு நான் எந்த குற்றத்தையும் செய்யவில்லை. வங்கிகளுக்கு நான் தர வேண்டிய பணத்தை தர தயாராக இருக்கிறேன். ஆனால், அமலாக்கத் துறை எனது சொத்துகள்தான் வேண்டும் என்கிறது. கடந்த 4 ஆண்டுகளாக காரணமே இல்லாமல் அமலாக்கத் துறையும், சிபிஐயும் என்னை தொந்தரவு செய்து வருகின்றன என்றாா் மல்லையா.

இந்த வழக்கில் நீதிமன்றம் விரைவில் தீா்ப்பளிக்கவுள்ளது.

கடந்த 2017-ஆம் ஆண்டு ஏப்ரல் மாதம் முதல் மல்லையா ஜாமீனில் இருக்கிறாா் என்பது குறிப்பிடத்தக்கது.