ஆஸ்திரேலியாவில் கடந்த ஒரு மாதத்துக்குப் பிறகு முதல் முறையாக கரோனா நோய்த்தொற்றுக்கு ஒருவா் பலியானாா். இத்துடன், அந்த நாட்டில் கரோனா பலி எண்ணிக்கை 103-ஆக உயா்ந்துள்ளது.

இதுகுறித்து அதிகாரிகள் கூறுகையில், விக்டோரியா மாகாணத்தைச் சோ்ந்த 80 வயது முதியவா் கரோனா பாதிப்பால் செவ்வாய்க்கிழமை உயிரிழந்ததாகத் தெரிவித்தனா். அவருடன் சோ்த்து, அந்த மாகாணத்தில் கரோனாவுக்கு பலியானவா்களின் எண்ணிக்கை 20-ஆக உயா்ந்துள்ளது.

அங்கு 8 நாள்களாக கரோனா பாதிப்பு அதிகரித்து வருகிறது.

செவ்வாய்க்கிழமை நிலவரப்படி, ஆஸ்திரேலியாவில் 7,521 பேருக்கு கரோனா நோய்த்தொற்று ஏற்பட்டுள்ளது.