உலகளவில் முந்தைய வாரத்தைக் காட்டிலும் கடந்த வாரத்தில் கரோனா பாதிப்பு எண்ணிக்கைகள் 11 சதவிகிதம் அதிகரித்துள்ளதாக உலக சுகாதார அமைப்பு தெரிவித்துள்ளது.

டிசம்பர் 20-26 வரை 49.9 லட்சம் கரோனா பாதிப்புகள் பதிவாகியுள்ளதாக உலக சுகாதார அமைப்பு செவ்வாய்க்கிழமை வெளியிட்டது. இதில் 50 சதவிகிதத்துக்கும் மேல் ஐரோப்பாவில் பதிவாகியுள்ளன. எனினும், முந்தைய வார பாதிப்பு எண்ணிக்கைகளைக் காட்டிலும், கடந்த வாரம் 3 சதவிகிதம் மட்டுமே அதிகரித்துள்ளன.

இதையும் படிக்க | ஆட்சி அமைத்தால் 50 ரூபாய்க்கு மதுபானம்: பாஜக தலைவர் உறுதி

அதிகபட்சமாக அமெரிக்காவில்தான் பாதிப்புகள் அதிகரித்துள்ளதாக உலக சுகாதார அமைப்பு தரவுகள் கூறுகின்றன. இதன்படி, அமெரிக்க கண்டங்களில் மட்டும் 39 சதவிகிதம் பாதிப்புகள் அதிகரித்துள்ளன. இதில் அமெரிக்காவில் மட்டும் 34 சதவிகிதம் பாதிப்புகள் அதிகரித்துள்ளன. ஆப்பிரிக்காவில் 7 சதவிகிதம் பாதிப்புகள் அதிகரித்துள்ளன. 

அதேசமயம், கரோனா உயிரிழப்புகள் உலகளவில் 4 சதவிகிதம் குறைந்துள்ளதாகவும் உலக சுகாதார அமைப்பு தெரிவித்துள்ளது.