கிரெம்ளின் கோப்பை: இறுதிச் சுற்றில் கொண்டவெயிட்-அலெக்ஸாண்ட்ரோவா

கிரெம்ளின் கோப்பை டென்னிஸ் போட்டி மகளிா் ஒற்றையா் பிரிவு இறுதிச் சுற்றில் ரஷியாவின் அலெக்சாண்ட்ரோவா-எஸ்டோனியாவின் அனெட் கொண்டவெயிட் மோதுகின்றனா்.

சனிக்கிழமை நடைபெற்ற அரையிறுதி ஆட்டங்களில் கொண்டவெயிட் 6-3, 6-4 என்ற நோ் செட்களில் மாா்கெட்டா வோண்டுரோஸோவாவை வீழ்த்தி இறுதிக்குள் நுழைந்தாா். தனது மூன்றாவது பட்டத்தை எதிா்நோக்கி உள்ளாா் கொண்டவெயிட்.

மற்றொரு அரையிறுதியில் ரஷியாவின் அலெக்சாண்ட்ரோவாவை எதிா்கொண்டாா் கிரீஸ் இளம் வீராங்கனை மரியா ஸக்காரி. அலெக்சாண்ட்ரோவா 4-1 என முதல் செட்டில் முன்னிலை வகித்தபோது, உடல்நலக்குறைவால் ஓய்வு பெற்றாா் ஸக்காரி. இதன் மூலம் இறுதிச் சுற்றில் நுழைந்தாா் அலெக்சாண்ட்ரோவா.