ஆஸ்திரேலியாவில் நடைபெற்ற பொதுத்தேர்தலில் பிரதமர் ஸ்காட் மோரிசன் தோல்வியைத் தழுவியுள்ளார். 

ஆஸ்திரேலியாவில் பொதுத் தோ்தலில் முன்கூட்டியே வாக்களிக்கும் நடைமுறை கடந்த திங்கள்கிழமை தொடங்கியது. இன்று நேரடித் தேர்தல் நடைபெற்ற நிலையில் தேர்தல் முடிவுகள் வெளியாகி வருகின்றன. 

இதையும் படிக்க | ஆசிய சுற்றுப் பயணத்தை தொடங்கினாா் பைடன்

இந்நிலையில் இந்தத் தேர்தலில் ஆளும் கன்சர்வேட்டிவ் கூட்டணியை வீழ்த்தி மத்திய-இடது தொழிலாளர் கட்சி கூட்டணி வெற்றி பெற்றுள்ளது. 

அதனைத் தொடர்ந்து 31ஆவது புதிய பிரதமராக அந்தோனி அல்பனீஸ் பொறுப்பேற்க உள்ளார். தேர்தல் தோல்விக்கு பொறுப்பேற்று லிபரல் கட்சியின் தலைவர் பதவியிலிருந்தும் விலகுவதாக மோரிசன் தெரிவித்துள்ளதாக அந்நாட்டு ஊடகங்கள் செய்தி வெளியிட்டுள்ளன. மேலும் புதிதாக பிரதமராக பொறுப்பேற்க உள்ள அந்தோனி அல்பனீஸுக்கு மோரிசன் வாழ்த்து தெரிவித்துள்ளார்.