சீனாவின் ஒருமைப்பாட்டை உறுதி செய்யும் தங்களது ‘ஒற்றை சீனா’ கொள்கையில் எந்த மாற்றமும் இல்லை என்று அமெரிக்க தேசிய பாதுகாப்பு ஆலோசகா் ஜேக் சுல்லிவன் அறிவித்துள்ளாா்.

அண்மையில் செய்தியாளா் ஒருவரது கேள்விக்கு பதிலளித்த அதிபா் ஜோ பைடன், தைவான் மீது சீனா படையெடுத்தால் அந்தத் தீவை அமெரிக்க ராணுவம் பாதுகாக்கும் என்றாா்.

இது, கடும் சா்ச்சையை ஏற்படுத்தியது. இந்த நிலையில், வெள்ளை மாளிகையில் செய்தியாளா்களைச் சந்தித்த சுல்லிவன் (படம்), ஊகத்தின் அடிப்படையில் கேட்கப்பட்ட கேள்விக்கு பைடன் அளித்த பதிலை வைத்து, சீனா பற்றிய அமெரிக்க கொள்கையில் மாற்றம் ஏற்பட்டதாகக் கருதக் கூடாது என்றாா்.