''வரிசையாக நான் நடித்த படங்கள் எல்லாம் தோற்றன'' - சர்வைவர் நிகழ்ச்சியில் நடிகர் அர்ஜூன் உருக்கம்

ஜி தமிழ் தொலைக்காட்சியில் ஒளிபரப்பாகும் சர்வைவர் நிகழ்ச்சியில் நடிகர் அர்ஜூன் போட்டியாளர்களுடன் உருக்கமாக பேசும் விடியோ வைரலாகி வருகிறது. 

நடிகர் அர்ஜூன் தொகுத்து வழங்கும் சர்வைவர் நிகழ்ச்சி விறுவிறுப்பாக சென்று கொண்டிருக்கிறது. வேடர்கள் அணியில் இடம் பெற்றிருந்த ராமுக்கு பூச்சி கடித்து உடலில் பாதிப்பு ஏற்பட்டது. மேலும் விக்ராந்த்திற்கு மண்டையில் அடிப்பட்டதன் காரணமாக மருத்துவக் குழு வந்து அவருக்கு சிகிச்சையளித்தது. 

மேலும் பார்வதி உங்களுக்கு ஒரு கடிதம் எழுதியிருந்தாங்களாமே என்று அர்ஜூன் கேட்க, வேடர்கள் அணியினர் பதற்றம் அடைந்தனர். பின்னர் நிகழ்ச்சியில் தலைவர் போட்டி ஆரம்பமானது. 

இதையும் படிக்க | மாரி செல்வராஜ் இயக்கத்தில் உதயநிதிக்கு வில்லனாகும் பிரபல நடிகர்

காடர்கள் அணியில் இருந்து உமாபதி மற்றும் ராமும், வேடர்கள் அணியில் இருந்து ஐஸ்வர்யா மற்றும் நந்தாவும் பங்கேற்றார்கள். கடுமையான போராட்டத்துக்குப் பிறகு ஐஸ்வர்யா சமாளிக்க முடியாமல் எடையை இறக்கி வைத்தார். இதனையடுத்து வேடர்கள் அணியின் இந்த வார தலைவராக நந்தா வெற்றிபெற்றார். காடர் அணியில் இருந்து உமாபதி வெற்றி பெற்றார். இதன் காரணமாக இந்த வாரம் காடர்கள் அணித் தலைவராக உமாபதி தேர்ந்தெடுக்கப்பட்டார். 

இந்த நிலையில் இந்த வாரம் ப்ரமோ வெளியானது, அப்போது போட்டியாளர்கள் முன்னிலையில் பேசும் அர்ஜூன், தமிழில் எனக்கு ஒரு காலத்தில் நல்ல மார்கெட் இருந்தது. ஒரு கட்டத்தில் நான் சற்று தொய்வை சந்தித்தேன். நான் நடித்த படங்கள் எல்லாம் தோல்வி அடைந்தன. அப்போது ஒரு படத்தைத் தயாரித்து இயக்கத் துவங்கினேன். இறுதி காட்சியை படமாக்க வேண்டும். என் பெயரில் இருக்கின்ற சொத்துக்களை விற்றேன். என் அம்மா பெங்களூரில் உள்ள வீட்டை விற்று எனக்கு பணம் அனுப்பினார். என்று உணர்ச்சி பொங்க தெரிவித்தார்.