பிரபல நடன இயக்குநர் பிருந்தா இயக்கத்தில் ‘குமரி மாவட்டத்தின் தக்ஸ்’ படத்தில் பாபி சிம்ஹாவின் கதாபாத்திரம் அடங்கிய போஸ்டர் வெளியாகியுள்ளது.
நடன இயக்குநர் பிருந்தாவின் இரண்டாவது திரைப்படமான ‘குமரி மாவட்டத்தின் தக்ஸ்’ திரைப்படத்தின் படப்பிடிப்பு முடிந்து வெளியீட்டுக்குத் தயராகிவரும் நிலையில், அப்படத்தின் முதல்பார்வையைப் படக்குழுவினர் செப்டம்பரில் வெளியிட்டனர்.
கன்யாகுமரி மாவட்டத்தை மையமாக வைத்து உருவாகியுள்ள இப்படத்தில் ‘மும்பைக்கார்’ திரைப்படத்தில் நடித்த ரிது ஹரோன் கதாநாயகனாக நடித்துள்ளார். மேலும் நடிகர்கள் விக்ரந்த் மாஸ்ஸே மற்றும் தேசிய விருது பெற்ற நடிகர் பாபி சிம்ஹா, முனிஷ்காந்த், தயாரிப்பாளர் நடிகருமான ஆர்.கே. சுரேஷும் நடித்துள்ளனர்.
இதையும் படிக்க: ‘ரஞ்சிதமே’ பாடலின் மூலம் மனம் கவர்ந்த பாடகி மானசி!
இந்நிலையில் பாபி சிம்ஹாவின் பிறந்த நாளில் புதிய போஸ்டரை படக்குழுவினர் வெளியிட்டு வாழ்த்து தெரிவித்துள்ளது. இப்படத்தில் துரை என்ற கதாபாத்திரத்தில் நடித்திருப்பதாக படக்குழு தெரிவித்துள்ளது.
இந்தத் திரைப்படம் தமிழ், தெலுங்கு, கன்னடம், ஹிந்தி ஆகிய மொழிகளில் வெளியாக இருப்பது குறிப்பிடத்தக்கது.