‘மாவீரன்’ இசை உரிமத்தை கைப்பற்றிய பிரபல நிறுவனம்!

டாக்டர், டான் வெற்றிப் படங்களுக்கு பிறகு சிவகார்த்திகேயன் புதிய படத்தில் ஒப்பந்தமானார். ஷங்கரின் மகள் அதிதி ஷங்கர், கார்த்தியுடன் இணைந்து விருமன் படத்தில் நடித்துள்ளார். அந்தப் படம்  நல்ல வரவேற்பினை பெற்ற நிலையில் சிவகார்த்திகேயனுக்கு ஜோடியாக மாவீரன் படத்தில் நடிக்கிறார். 

மடோன் அஸ்வின் இயக்கிய மண்டேலா படத்தில் யோகிபாபு கதாநாயகனாக நடித்தார். இந்தப் படம் தேசிய விருது வாங்கியது. விமர்சன ரீதியாகவும் நல்ல வரவேற்பினை பெற்றது குறிப்பிடத்தக்கது. 

மடோன் அஸ்வின் இயக்கத்தில் சிவகார்த்தியேன், அதிதி ஷங்கர், மிஷ்கின், சரிதா, யோகிபாபு போன்றோர் நடிக்கிறார்கள். பரத் சங்கர் இசையமைத்துள்ளார். சமீபத்தில் வெளியான ப்ரின்ஸ் படம் எதிர்பார்த்த அளவுக்கு போகவில்லை. அதனால் இந்த மாவீரன் படத்தின் மீதான எதிர்பார்ப்பு அதிகரித்துள்ளது.

தற்போது படத்தின் இசை வெளியீட்டு உரிமையை பிரபல சரிகம சவுத் நிறுவனம் வாங்கியுள்ளது. விரைவில் பாடல்கள் வெளியாகுமென எதிர்பார்க்கப்படுகிறது. 

’அந்தப் படத்தை 100 தடவை பார்த்துட்டேன்’ விஜய் சேதுபதியுடன் நடிக்க பிரபல ஹிந்தி நடிகை விருப்பம்

பாபா மறுவெளியீடு: வெளிநாட்டு உரிமத்தை கைப்பற்றியது பிரபல நிறுவனம்

இந்த வாரம் (டிச.9) வெளியாகும் தமிழ்ப் படங்கள்!

மீண்டும் சீரியல் இயக்கும் 'மெட்டி ஒலி கோபி' திருமுருகன்!