குக் வித் கோமாளி நிகழ்ச்சியில் இருப்பது தொடர்பாக குரேஷி தனது இன்ஸ்டாரகிராமில் நெகிழ்ச்சியான பதிவு ஒன்றை பதிவிட்டுள்ளார்.
விஜய் தொலைக்காட்சியில் ஒளிபரப்பாகும் நிகழ்ச்சி குக் வித் கோமாளி. மூன்று சீசன்கள் முடிவடைந்த நிலையில், தற்போது நான்காவது சீசன் ஒளிப்பரப்பாகி வருகிறது. சமையல் போட்டியை நகைச்சுவையுடன் கலந்து ஒளிபரப்பப்படுவதால் மக்களிடையே பெரும் வரவேற்பை பெற்றுள்ளது.
இந்த நிகழ்ச்சி ஜன.28 முதல் வாரம்தோறும் சனி, ஞாயிற்றுக்கிழமைகளில் இரவு 9.30 மணிக்கு ஒளிப்பரப்பாகி வருகிறது.
இந்த நிகழ்ச்சியில் கடந்த சீசன்களை போலவே சமையல் கலைஞர்கள் தாமு, வெங்கடேஷ் பட் நடுவர்களாக உள்ளனர். ரக்ஷன் இந்நிகழ்ச்சியை தொகுத்து வழங்குகிறார்.
கடந்த சீசன்களில் கோமாளியாக பங்கேற்று மக்களின் மனதை கவர்ந்த புகழ், குரேசி, சுனிதா, மணிமேகலை, தங்கதுரை ஆகியோர் உடன் புதிய கோமாளிகளாக ஜி.பி.முத்து, சிங்கப்பூர் தீபன், ரவீனா, மோனிஷா, சில்மிஷம் சிவா, ஓட்டேரி சிவா பங்கேற்றுள்ளனர்.
குக் வித் கோமாளி நிகழ்ச்சிக்கு அதிக அளவு ரசிகர்கள் உள்ளனர். இதற்கு முந்தைய சீசன்களில் இருந்த புகழ், பாலா, ஷிவாங்கி, பவித்ரா போன்றவர்கள் வெள்ளித் திரையில் படங்களில் நடித்து வருகின்றனர்.
அதேபோல், குக்குகளாக சிருஷ்டி டாங்கே, ஷெரின், விசித்ரா, ராஜா ஐயப்பா, விஜே விஷால், காளையன், மைம் கோபி, கிஷோர் ராஜ்குமார், ஆண்ட்ரியா, சிவாங்கி உள்ளிட்ட 10 போட்டியாளர்கள் பங்கேற்றனர்.
இதில், இலிமினினேஷன் சுற்றில் கிஷோர் ராஜ்குமார், காளையன் வெளியேறினர். குக் வித் கோமாளி நிகழ்ச்சியில் கோமாளியாக பங்கேற்ற மணிமேகலை வெளியேறியது அவரது ரசிகர்களுக்கு ஏமாற்றத்தை அளித்தது.
இந்த நிலையில் குக் வித் கோமாளி நிகழ்ச்சியில் இருந்து குரேஷியும் வெளியேறினார் என்ற தகவல் சமூக வலைதளங்களில் பரவியதைத் தொடர்ந்து, குரேஷி தனது இன்ஸ்டாகிராம் பதிவில், “காமெடி பண்ணாம சாக மாட்டேன், குக் வித் கோமாளியை விட்டு போக மாட்டேன். வதந்திகளை நம்ப வேண்டாம்” என பதிவிட்டுள்ளார்.
இதையும் படிக்க: ரஜினி படத்தில் செந்தில்!