தமிழ்நாட்டில் முதல் 5 இடங்களைப் பிடித்தத் தொடர்கள்!

தமிழ் சின்னத்திரை தொடர்களுக்கான டிஆர்பி பட்டியல் வெளியாகியுள்ளது. இதில் தொலைக்காட்சிகள் வாரியாகவும், நிகழ்ச்சிகள் அல்லது தொடர்கள் வாரியாகவும் பட்டியல் வெளியிடப்பட்டுள்ளது.

டிஆர்பி (டெலிவிஷன் ரேட்டிங் பாயிண்ட்) என்பது, மக்கள் எந்த தொலைக்காட்சியை அதிக நேரம் பார்க்கிறார்கள், அதில் எந்த நிகழ்ச்சி / தொடரை அதிக நேரம் பார்க்கிறார்கள் என்பதைத் தரவுகள் அடிப்படையில் கணக்கிடுவதாகும். மாதமொருமுறை இவை கணக்கிடப்படுகின்றன. தொடர்களுக்கு வாரமொருமுறை கணக்கிடப்படுகின்றன.

இனியா

அந்தவகையில் இந்த வாரத்தில் வெளியான டிஆர்பி பட்டியலில் 5வது இடத்தில் இனியா தொடர் உள்ளது. இனியா தொடர் டிஆர்பி பட்டியலில் 9.12 புள்ளிகளைப் பெற்றுள்ளது. ஆல்யா மானசா இந்தத் தொடரில் முதன்மை பாத்திரததில் நடிக்கிறார். 

படிக்க | ஒரே டிஆர்பி பெற்ற 2 சீரியல்கள்! எவை தெரியுமா?

வானத்தைப்போல

4வது இடத்தில் சன் தொலைக்காட்சியில் ஒளிபரப்பாகும் வானத்தைப்போல தொடர் உள்ளது. இந்தத் தொடர் 10.07 புள்ளிகளைப் பெற்றுள்ளது. அண்ணன் தங்கை பாசத்தை அடிப்படையாக வைத்து எடுக்கப்பட்டுவரும் இந்தத் தொடரில் தற்போது  விஜய்யின் நண்பர் சஞ்சீவ் காவலர் வேடத்தில் நடிப்பது மேலும் பலத்தைக் கூட்டியுள்ளது. 

சுந்தரி 

சன் தொலைக்காட்சியின் சுந்தரி தொடர் 3வது இடத்தில் உள்ளது. இந்தத் தொடர் 800 எபிஸோட்களைக் கடந்து ஒளிபரப்பாகி வருகிறது. எனினும் இன்னும் சலிப்படையாத வகையில் கதையம்சம் அமைந்துள்ளது. முதன்மை பாத்திரத்தில் நடிக்கும் கேப்ரியல்லா, கிராமத்துப் பெண்ணின் நடிப்பையும், தற்போது ஆட்சியரான பிறகு கொடுக்கும் நடிப்பையும் பலர் பாராட்டி வருகின்றனர். இந்தத் தொடர் 10.12 புள்ளிகளைப் பெற்றுள்ளது.

படிக்க | சீரியல் முடிந்ததும் பயணம் சென்ற பாண்டியன் ஸ்டோர்ஸ் நாயகி!

கயல் 

சைத்ரா ரெட்டி முதன்மை பாத்திரத்தில் நடிக்கும் கயல் தொடர் 2வது இடத்தில் உள்ளது. இந்தத் தொடர் டிஆர்பி பட்டியலில் 10.72 புள்ளிகளைப் பெற்றுள்ளது. குடும்பத்தை ஒற்றை ஆளாக நின்று தாங்கும் பெண் கயல். தற்போது தம்பி தங்கை இருவரும் பிரச்னையில் மாட்டிக் கொண்டு முழிக்கும் விதத்தில் கயல் அவர்களுக்கு ஆதரவாக இருந்து எப்படி எல்லாத்தையும் சமாளிக்கிறார் என்பது விறுவிறுப்பாக நகர்கிறது.

எதிர்நீச்சல் 

முதல் இடத்தில் எதிர்நீச்சல் தொடர் உள்ளது. டிஆர்பியில் அதிக புள்ளிகளைப் (11.54) பெற்று முதலிடத்தில் நீடித்து வருகிறது. மறைந்த நடிகர் மாரிமுத்துவுக்குப் பிறகு ஆதி குணசேகரனாக வேல ராமமூர்த்தி நடித்து வருவதால், இந்தத் தொடரின் மீது மக்களின் எதிர்பார்ப்பு அதிகரித்துள்ளது. இதனால் பார்வையாளர்களும் அதிகரித்துள்ளனர். முன்பு பெற்ற டிஆர்பி விட இந்தமுறை எதிர்நீச்சல் அதிக டிஆர்பி பெற்றுள்ளது.