செய்தி மடல்
இ-பேப்பர்
தமிழ் சின்னத்திரை தொடர்களுக்கான டிஆர்பி பட்டியல் வெளியாகியுள்ளது. வாராவாரம் வெளியாகும் இந்த டிஆர்பி பட்டியலில் சமமான புள்ளிகளைப் பெற்று ஒரே இடத்தை இரண்டு தொடர்கள் பிடித்துள்ளன.
விஜய் தொலைக்காட்சியில் ஒளிபரப்பாகிவரும் தொடர்கள் அனைத்துத் தரப்பு ரசிகர்களையும் கவரும் வகையில் எடுக்கப்பட்டு வருகிறது. இளம் தலைமுறையினரையும் கவரும் வகையில் கதைக்களம் அமைக்கப்படுகிறது.
எனினும் விஜய் தொலைக்காட்சியில் ஒளிபரப்பாகிவரும் தொடர்கள் டிஆர்பியில் சன் தொலைக்காட்சி தொடர்களை முந்தவில்லை என்றுதான் சொல்ல வேண்டும்.
இந்த வாரம் வெளியாகியுள்ள டிஆர்பி பட்டியலில் முதல் 5 இடங்களில் வழக்கம்போல சன் தொலைக்காட்சித் தொடர்களே உள்ளன. முதலிடத்தில் எதிர்நீச்சல், 2வது இடத்தில் கயல், 3வது இடத்தில் சுந்தரி, 4வது இடத்தில் வானத்தைப் போல, 5வது இடத்தில் இனியா ஆகிய தொடர்கள் உள்ளன.
இதற்கு அடுத்தபடியாக 6வது இடத்தில் விஜய் தொலைக்காட்சியின் சிறகடிக்க ஆசை தொடர் உள்ளது.
7வது இடத்தில் இரு தொடர்கள் இடம்பெற்றுள்ளன. பாக்கியலட்சுமி - பாண்டியன் ஸ்டோர்ஸ் ஆகிய இரு தொடர்களும் சமமான டிஆர்பி பெற்றுள்ளன. இதனால், 7வது இடத்தில் இந்த இரு தொடர்களும் உள்ளன.
படிக்க | 900 நாள்களைக் கடந்த அன்பே வா தொடர்!
8வது இடத்தில் ஆனந்த ராகம் (சன் டிவி), 9வது இடத்தில் ஆஹா கல்யாணம் (விஜய் டிவி), 10வது இடத்தில் ஜீ தமிழ் தொலைக்காட்சியின் கார்த்திகை தீபம் உள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
