பிரியங்கா மோகன் மகிழ்ச்சி..! வெற்றிக் கொண்டாட்டத்தில் மேட் இன் கொரியா படக்குழுவினர்!

நடிகை பிரியங்கா மோகனின் ’மேட் இன் கொரியா’ படத்தின் வெற்றியை நெட்பிளிக்ஸ் கொண்டாடியுள்ளது. இந்தக் கொண்டாட்டத்தில் பிரியங்கா மோகன் மிகுந்த மகிழ்ச்சியுடன் காணப்பட்டார்.

நித்தம் ஒரு வானம் படத்தின் இயக்குநர் ரா. கார்த்திக் இயக்கத்தில் உருவான இந்தப் படம் திரையரங்குகளில் வெளியாகாமல் நேரடியாக நெட்ஃபிளிக்ஸ் ஓடிடி தளத்தில் தமிழ், தெலுங்கு, மலையாளம், கன்னடம், ஹிந்தி மொழி உள்பட 12 மொழிகளில் மார்ச் 12ஆம் தேதி வெளியானது.

இந்தப் படத்தில் நாயகியாக நடிகை பிரியங்கா மோகன் நடித்துள்ளார். தமிழ்நாட்டில் ஒரு சிறிய கிராமத்தைச் சேர்ந்த பெண், கொரிய கலாசாரத்தின் மீதுள்ள ஈர்ப்பால் தென் கொரியாவிற்குப் பயணம் மேற்கொண்டு, அங்கு அவர் சந்திக்கும் சவால்களை மையப்படுத்தி ’பீல் குட்’ பாணியில் இந்தப் படம் எடுக்கப்பட்டுள்ளது.

இந்தப் படம் ஓடிடி ரசிகர்களிடம் நல்ல வரவேற்பைப் பெற்ற நிலையில் படத்தின் வெற்றியைப் படக்குழுவுடன் சேர்ந்து நெட்பிளிக்ஸ் கொண்டாடியுள்ளது.

இந்த வெற்றி விழாவில் நடிகை பிரியங்கா மோகன், இயக்குநர் ரா. கார்த்திக் உடன் படக்குழுவினர் மற்றும் நெட்பிளிக்ஸ் நிர்வாகத்தினர் பங்கேற்றனர்.