எஸ்சி/எஸ்டி இடஒதுக்கீடு உயர்வு: அவசர சட்டத்துக்கு கர்நாடக அமைச்சரவை ஒப்புதல்

கர்நாடகத்தில் பட்டியலினத்தவருக்கு இடஒதுக்கீட்டை உயர்த்துவதற்கான அவசர சட்டத்திற்கு மாநில அமைச்சரவை ஒப்புதல் அளித்துள்ளது. 

கா்நாடகத்தில் மக்கள்தொகை அடிப்படையில் பட்டியலினத்தவருக்கான இட ஒதுக்கீடு 15 சதவீதத்தில் இருந்து 17 சதவீதமாகவும், பழங்குடியினருக்கான இட ஒதுக்கீடு 3 சதவீதத்தில் இருந்து 7 சதவீதமாகவும் உயா்த்த அந்த மாநில அரசு முடிவு செய்திருந்தது. 

இதையும் படிக்க | மோடி அரசுக்கு ரூபாய் வீழ்ச்சி குறித்து கவலையில்லை, தேர்தல் மட்டுமே கவலை: காங்கிரஸ்

இந்நிலையில் வியாழக்கிழமை நடைபெற்ற மாநில அமைச்சரவைக் கூட்டத்தில் பட்டியலினத்தவருக்கு இடஒதுக்கீடு உயர்த்தப்படுவதற்கான அவசர சட்டத்திற்கு ஒப்புதல் அளிக்கப்பட்டது. 

இதன்மூலம் கர்நாடகத்தில் இடஒதுக்கீடு அதிகரிப்பதால் மொத்த இடஒதுக்கீடு 56 சதவிகிதம் உயர உள்ளது. 

இதையும் படிக்க | பாஜகவில் தலைவர் பதவிக்குத் தேர்தல் நடக்குமா? சத்தீஸ்கர் முதல்வர் பூபேஷ் பாகல் கேள்வி

மேலும் இந்த இடஒதுக்கீடு உயர்வை அரசியலமைப்பின் 9 வது அட்டவணையின் கீழ் கொண்டு வர மாநில அரசு நடவடிக்கை மேற்கொள்ளும் எனவும் இதுதொடர்பான மசோதா தாக்கல் செய்யப்பட்டு அவசர சட்டம் பிறப்பிக்க ஆளுநருக்கு அனுப்ப முடிவு செய்யப்பட்டுள்ளதாகவும் தெரிவிக்கப்பட்டுள்ளது.